హ్యాపీ బర్త్ డే హీరో.. నాకు పోటి ఇచ్చేది ఇతనే
Bollywood Actor Sonu Sood Wishes His Son Eeshan Sood On His Birthday With An Adorable Pic On Social Media
సోనూసూద్.. ఇప్పుడు దేశవ్యాప్తంగా ఈ పేరు తెలియని వారు ఎవరున్నారు. సినిమాల వల్ల కొంతమందికే తెలిసినా.. కరోనా వల్ల సోనూసూద్ పేరు అందరికీ పరిచయమైంది. ఈ పరిస్థితుల్లో ఎందరినో ఆదుకున్నారు. ముఖ్యంగా వలస కార్మికులకు, విదేశాలలో ఉండిపోయిన భారతీయుల కోసం ఆయన అనేక సేవలు చేసారు. అంతేకాదు కష్టంలో ఉన్నామని ట్వీట్స్ చేసిన వారిని కూడా సోనూ తనదైన తరహాలో ఆదుకున్నాడు... ఆదుకుంటూనే వున్నాడు.
ఇక సోనుసూద్ ఫిట్ నెస్ గురించి ప్రత్యేకంగా చెప్పనక్కర్లేదు. అయితే ఇప్పుడు పోటీ ఇచ్చే వ్యక్తి వచ్చాడు అంటున్నాడు. ఇంతకీ ఆ వ్యక్తి ఎవరనుకుంటున్నారా? ఎవరో కాదు తన కొడుకు ఇషాన్ సూద్. అసలుసంగతేంటంటే.. ఈ రోజు సోనూసూద్ కుమారుడు ఇషాన్ సూద్ పుట్టిన రోజు. ఈ సందర్భంగా సోనూసూద్ తన కుమారుడికి శుభాకాంక్షలు తెలుపుతూ తన ఇన్స్టాగ్రమ్లో ఓ పోస్ట్ చేశారు. ''నా హీరో ఇషాన్ సూద్కు జన్మదిన శుభాకాంక్షలు. ఫైనల్గా నాకు ఫిట్నెస్ విషయంలో పోటీ ఇచ్చే వ్యక్తి ఉన్నాడు." అని తెలుపుతూ ఇద్దరూ షర్ట్ లెస్ తో ఉన్న పిక్ను సోనూ పోస్ట్ చేశారు. ఇషాన్ చిన్నప్పటి ఫొటో ఇది. ఈ పిక్కు మంచి రెస్పాన్స్ వస్తోంది. అలాగే నెటిజన్లు అందరూ ఇషాన్ సూద్కు పుట్టినరోజు శుభాకాంక్షలు తెలుపుతున్నారు.







