ఎలాంటి పాత్రలోనైనా ఒదిగిపోయే నటీమణుల్లో భూమికా చావ్లా ఒకరు. `స్టూడెంట్` నుంచి `లేడీ బాస్` వరకు.. ఇలా పలు వైవిధ్యభరిత పాత్రల్లో తనదైన అభినయంతో అలరించిందీ టాలెంటెడ్ బ్యూటీ. ఇదిలా ఉంటే.. ఆ మధ్య `మిస్సమ్మ`చిత్రంలో నెగటివ్ టచ్ ఉన్న పాత్రలో కనిపించిన ఈ `ఖుషి` స్టార్.. త్వరలో పూర్తి స్థాయి ప్రతినాయకురాలిగా కనిపించబోతోందట. అది కూడా.. ఓ అగ్ర కథానాయకుడి చిత్రంలో. ఆ స్టార్ ఎవరో, ఆ సినిమా ఏంటో ఇంకా క్లారిటీ రాకపోయినా.. భూమిక పోషిస్తున్న విలన్ రోల్ మాత్రం సినిమాకి ప్రత్యేక ఆకర్షణ కానుందని సమాచారం.
మరి.. సెకండ్ ఇన్నింగ్స్ లో డిఫరెంట్ రోల్స్ లో దర్శనమిస్తూ తనదైన ముద్ర వేస్తున్న భూమికా చావ్లా... ప్రతినాయకురాలిగానూ గుర్తుండిపోయే అభినయాన్ని ప్రదర్శిస్తుందేమో చూడాలి.







