వేసవిలో విడుదలయ్యే సినిమాలకు కమర్షియల్గా మంచి మైలేజ్ ఉంటుంది. యావరేజ్ టాక్ వచ్చినా… సీజన్ అడ్వాంటేజ్తో బ్లాక్బస్టర్ అయిన సినిమాలు చరిత్రలో ఎన్నో ఉన్నాయి. ఇక ఈ వేసవిలో ముఖ్యంగా… ఏప్రిల్ నెలలో కొన్ని ఆసక్తికరమైన సినిమాలు విడుదలకు సిద్ధమవుతున్నాయి. ఆ వివరాల్లోకి వెళితే… సూపర్ స్టార్ మహేష్ బాబు కథానాయకుడిగా నటిస్తున్న 25వ చిత్రం `మహర్షి`ని ఏప్రిల్ 5న విడుదల చేయబోతున్నట్లు ఇప్పటికే యూనిట్ ప్రకటించిన సంగతి తెలిసిందే. ఇక ఇదే నెలలో నేచురల్ స్టార్ నాని హీరోగా నటిస్తున్న స్పోర్ట్స్ డ్రామా `జెర్సీ` కూడా విడుదలకు ముస్తాబవుతోంది. ఏప్రిల్ 19న ఈ సినిమాని రిలీజ్ చేయబోతున్నట్లు అఫీషియల్ అనౌన్స్మెంట్ కూడా వచ్చేసింది. అలాగే… ఇదే నెలలో మరో ప్రామిసింగ్ మూవీ రాబోతోంది. అదే `మజిలీ`. పెళ్ళయ్యాక క్యూట్ కపుల్ నాగచైతన్య, సమంత నటిస్తున్న తొలి చిత్రమిదే కావడంతో… ఈ సినిమాపైనా మంచి అంచనాలే ఉన్నాయి. నూతన సంవత్సరం సందర్బంగా విడుదల చేసిన స్పెషల్ పోస్టర్లో ఈ సినిమా ఏప్రిల్ నెలలో రాబోతున్నట్లు యూనిట్ అధికారిక ప్రకటన ఇచ్చింది. ఈ చిత్రాలతో పాటు సాయిధరమ్ తేజ్ అప్కమింగ్ ప్రాజెక్ట్ `చిత్ర లహరి` కూడా ఇదే ఏప్రిల్ నెలలో తెరపైకి రాబోతుందని సమాచారం. సో… ఏప్రిల్ నెలలో పలు ఇంట్రెస్టింగ్ ప్రాజెక్ట్స్ సందడి చేయబోతున్నాయన్నమాట. మరి… ఈ చిత్రాలు బాక్సాఫీస్ వద్ద ఏ స్థాయిలో ఫెర్ఫామ్ చేస్తాయో తెలియాలంటే మరికొన్నాళ్ళు ఆగాల్సిందే.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
[youtube_video videoid=aC0lLhI39Io]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: