
ట్యాగ్ · 2 కథనాలు


విషమంగానే తారకరత్న ఆరోగ్యం

క్రిటికల్ కండిషన్ లో
నందమూరి తారక రత్న ఆకస్మిక గుండెపోటు కి గురైన సంగతి తెలిసిందే. నందమూరి తారకరత్నకు బెంగళూరులోని నారాయణ హృదయాలయ ఆస్పత్రిలో చికిత్స కొనసాగుతోంది. అయితే తన కండిషన్ మొదటి మూడు రోజుల్లో కాస్త సీరియస్ గా మారగా ఆయన కుటుంబీకులు అంతా కూడా బెంగళూరు కి వెళ్లారు. అయితే నిన్ననే ఎట్టకేలకు ఆయన ఆరోగ్యంపై శుభవార్త బయటకి రావడంతో అభిమానులు మరియు సినీ వర్గాల వారు కాస్త ఊపిరి పీల్చుకున్నారు.

విషమంగానే తారకరత్న ఆరోగ్యం
నందమూరి తారకరత్న నిన్న గుండెపోటుకు గురైన సంగతి తెలిసిందే కదా. లోకేష్ మొదలుపెట్టిన ‘యువగళం’ పాదయాత్ర కార్యక్రమంలో తారకరత్న పాల్గొన్నారు. నందమూరి బాలకృష్ణ, నారా లోకేష్ మరియు టీడీపీ కార్యకర్తలతో కలిసి పాదయాత్రలో ముందుకు నడిచాడు. అయితే కొంత సమయానికి నడుస్తూ నడుస్తూ తారకరత్న ఒక్కసారిగా స్పృహ తప్పి పడిపోయాడు. అతనిని వెంటనే అక్కడి నుంచి కుప్పంలోని హాస్పిటల్ కి తరలించారు కార్యకర్తలు. అయితే అప్పటికే పల్స్ పడిపోవడంతో డాక్టర్లు సీపీఆర్ చేసి పల్స్ వచ్చేటట్లు చేశారు. అయితే అనంతరం పరిస్థితి విషమంగానే ఉండటంతో తారకరత్నను బెంగళూరులోని నారాయణ హృదయాలయ ఆస్పత్రిలో తరలించారు. ప్రస్తుతం అక్కడే చికిత్స పొందుతున్నారు.