
షూటింగ్ అప్డేట్
ట్యాగ్ · 2 కథనాలు



స్టార్ డైరెక్టర్ శంకర్, కమల్ హాసన్ హీరోగా భారతీయుడు సీక్వెల్ భారతీయుడు 2 తెరకెక్కుతున్న సంగతి తెలిసిందే. అయితే గత నెలలో ఈ సినిమా షూటింగ్ ప్రారంభం కావాల్సి ఉంది కానీ కొన్ని కారణాల వల్ల సినిమా పట్టాలెక్కలేదు. దాంతో పలు రూమర్లు కూడా వినిపించాయి ఇటీవల. సినిమా ఆపేశారని.. షూటింగ్ ఆగిపోయిందని ఇలా వార్తలు చక్కర్లు కొట్టాయి. ఇక దానిపై కమల్ స్పందించి అలాంటిదేమీ లేదని క్లారిటీ కూడా ఇచ్చారు.

గతంలో శంకర్, కమల్ హాసన్ కాంబినేషన్ లో వచ్చిన భారతీయుడు సినిమా ఎంత పెద్ద సంచలన విజయం సాధించిందో అందరికీ తెలిసిందే. ‘భారతీయుడు’ సినిమాలో తండ్రీ కొడుకులుగా కమల్ హాసన్ నటనను ఎవరు మరిచిపోలేదు. అవినీతి, లంచగొండి తనానికి వ్యతిరేకిగా.. కమల్ హాసన్ ముసలివాడి పాత్రలో చేసిన నటన పీక్స్. ఈ మూవీ అప్పట్లో పెద్ద ట్రెండ్ సెట్టర్ గా నిలిచింది.