ట్యాగ్ · 2 కథనాలు
కెమెరాముందుకు వస్తున్నా.. మీ దీవెనలు కావలి..!
నటి, దర్శకురాలిగా, రచయితగా తన కంటూ ఓ ప్రత్యేక గుర్తింపు తెచ్చుకుంది రేణూదేశాయ్. ప్రస్తుతం మెగా ఫోన్ పట్టి ఒక సినిమాను తెరకెక్కించే పనిలో పడింది. రైతు సమస్యలపై ఓ సినిమాను రూపొందిస్తున్నారు రేణు దేశాయ్. ఇప్పటికే ఈ సినిమా కోసం పలువురు రైతులను కలిశారు రేణు దేశాయ్. తాజాగా గోరటి వెంకన్నతో పాట కూడా రాయించుకున్నట్టు తెలిపింది. ఇక ఇదిలా ఉండగా అవకాశం వస్తే మళ్ళీ నటిస్తానని రేణుదేశాయ్ చెప్పిన సంగతి తెలిసిందే. ఈ నేపథ్యంలో ఇన్నేళ్ల తర్వాత కెమెరా ముందుకు రానున్నట్టు తెలిపింది.
గోరేటి వెంకన్నతో లిరిక్ సెషన్ - చాలా గర్వంగా ఉంది
కేవలం నటి మాత్రమే కాదు.. దర్శకురాలిగా, రచయితగా, నిర్మాతగా కూడా రేణు దేశాయ్ కు మంచి పేరుంది. పూరీ జగన్నాథ్ సినిమా బద్రితో తెలుగు తెరకు పరిచయమై.. ఇక అదే సినిమాలో హీరోగా నటించిన పవన్ ను ప్రేమించి పెళ్లాడిన హీరోయిన్ కమ్ డైరెక్టర్ రేణు దేశాయ్. కేవలం రెండు సినిమాల్లోనే నటించిన రేణు పవన్ కళ్యాణ్ ను పెళ్లి చేసుకున్నారు. అయితే కొన్నేళ్లు కలిసి ఉన్న వీరు ఆ తరువాత విడిపోయారు. ఇక మళ్లీ సినిమాలపై తన దృష్టి పెట్టిన సంగతి తెలిసిందే.