ట్యాగ్ · 2 కథనాలు
రొమాంటిక్ ఎంటర్ టైనర్ "ఆడవారి మాటలకు అర్ధాలే వేరులే"
శ్రీ సాయి దేవా ప్రొడక్షన్స్ బ్యానర్ పై సెల్వ రాఘవన్ దర్శకత్వంలో విక్టరీ వెంకటేష్ , అందాల త్రిష జంటగా రూపొందిన రొమాంటిక్ ఎంటర్ టైనర్ "ఆడవారి మాటలకు అర్ధాలే వేరులే" మూవీ ఘనవిజయం సాధించింది. కె విశ్వనాథ్ , కోట శ్రీనివాస రావు , సునీల్ , కలర్స్ స్వాతి ముఖ్య పాత్రలలో నటించారు. యువన్ శంకర్ రాజా సంగీతం అందించారు. "ఆడవారి మాటలకు అర్ధాలే వేరులే" మూవీ బెస్ట్ ఫిల్మ్ గా నంది అవార్డ్ అందుకుంది.

వెంకటేష్ ‘ఆడవారిమాటలకు... అర్థాలేవేరులే!’కి 13 ఏళ్ళు
కుటుంబ కథా చిత్రాలకు చిరునామాగా నిలచిన కథానాయకుల్లో విక్టరీ వెంకటేష్ ఒకరు. ఆయన నటించిన పలు ఫ్యామిలీ డ్రామాలు బాక్సాఫీస్ వద్ద సెన్సేషన్ క్రియేట్ చేశాయి. వాటిలో ‘ఆడవారిమాటలకు… అర్థాలేవేరులే!’ ఒకటి. ఇందులో వెంకీ సరసన త్రిష కథానాయికగా నటించగా… కోట శ్రీనివాస రావు, శ్రీరామ్, కె.విశ్వనాథ్, సునీల్, జీవా, ‘కలర్స్’ స్వాతి, రాజ్యలక్ష్మి, ప్రసాద్ బాబు ముఖ్య భూమికలు పోషించారు. మేఘనా నాయుడు, ముమైత్ ఖాన్ ప్రత్యేక గీతాల్లో మెరిశారు. శ్రీరాఘవ (సెల్వరాఘవన్) దర్శకత్వం వహించిన ఈ చిత్రాన్ని ఎన్.వి.ప్రసాద్, ఎస్.నాగ అశోక్ కుమార్ సంయుక్తంగా నిర్మించారు.