పొలిమేర 3 స్క్రిప్ట్ రెడీ- ప్రీ ప్రొడక్షన్ మొదలు
Satyam Rajesh Polimera 3 Movie Official Announcement

బ్లాక్ మ్యాజిక్ కాన్సెప్ట్ తో వచ్చిన ఇంట్రెస్టింగ్ హార్రర్ సినిమా మా ఊరి పొలిమేర. ఈసినిమా డైరెక్ట్ ఓటీటీలో రిలీజ్ అయింది. అయితే ఎలాంటి అంచనాలు లేకుండా వచ్చిన ఈసినిమా సూపర్ హిట్ టాక్ ను సొంతం చేసుకుంది. దాంతో మేకర్స్ పొలిమేర2 ను తీశారు. సెకండ్ పార్ట్ కూడా ఓటీటీ రిలీజ్ అయి మంచి హిట్ ను దక్కించుకుంది. అంతేకాదు ఈసినిమా దాదా సాహెబ్ పాల్కే అవార్డ్ సైతం దక్కించుకుంది.
ఇక ఇప్పుడు అందరూ ఆసక్తిగా ఎదురుచూస్తుంది పొలిమేర 3 కోసం. ఈనేపథ్యంలో ఎప్పటినుండో వెయిట్ చేస్తున్న అప్ డేట్ అయితే వచ్చేసింది. తాజాగా ఈసినిమా నుండి అప్ డేట్ ఇచ్చారు మేకర్స్. పొలిమేర ఫ్రాంచైజ్ పొలిమేర3 తో మరో లెవల్ కు వెళ్లింది.. ఈసినిమా స్క్రిప్ట్ కంప్లీట్ అయింది.. ప్రీ ప్రొడక్షన్ పనులు మొదలయ్యాయి అంటూ అధికారికంగా ప్రకటించారు.
కాగా ఈసినిమాకు కూడా అనిల్ విశ్వనాథ్ దర్శకత్వంలో వహిస్తున్నాడు. సత్యం రాజేష్ తో పాటు పొలిమేర1, పొలిమేర2 లో భాగమైన కామాక్షి భాస్కర్ల, గెటప్ శ్రీను, రాకెండ్ మౌళి, బాలాదిత్య కూడా ఈ సినిమాలో ఉండబోతున్నారు. వంశీ నడిపాటి ఎంటర్ టైన్ మెంట్స్ బ్యానర్ పై వంశీ నడిపాటి ఈసినిమాను నిర్మిస్తుండగా.. బోగేంద్ర గుప్తా కో ప్రొడ్యూసర్ గా వ్యవహరిస్తున్నారు.







