మొదటి నుండి కాస్త డిఫరెంట్ గా ఉండే సినిమాలు చేయడానికే ఎక్కువ ఇంట్రెస్ట్ చూపిస్తుంటాడు వరుణ్ తేజ్. అందుకే వరుస విజయాలను సొంతం చేసుకుంటున్నాడు.ఇక ఈఏడాది గనితో ప్రేక్షకుల ముందుకు వచ్చాడు వరుణ్ తేజ్. అయితే ఈసినిమా బాక్సాఫీస్ వద్ద బోల్తా కొట్టింది. ఆ తరువాత ఎఫ్ 3 సినిమాతో బ్లాక్ బస్టర్ హిట్ ను సొంతం చేసుకున్నాడు. ఇక ఇప్పుడు పలు సినిమాలతో బిజీగా ఉన్నాడు. అందులో శక్తి ప్రతాప్ దర్శకత్వంలో వస్తున్న సినిమా కూడా ఒకటి. ఇండియన్ ఎయిర్ఫోర్స్ నేపథ్యంలో యదార్థ సంఘటనల ఆధారంగా ఈ చిత్రాన్ని రూపొందించబోతున్నారు.
ఇక ఈసినిమాలో నటించబోయే హీరోయిన్ గురించి నేడు అప్ డేట్ ను ఇస్తానన్న సంగతి తెలిసిందే కదా. దీనిలో భాగంగానే తాజాగా ఈసినిమాలో నటించే హీరోయిన్ గురించి అధికారిక ప్రకటన ఇచ్చారు మేకర్స్. ఈసినిమాలో వరుణ్ తేజ్ కు జోడీగా బాలీవుడ్ బ్యూటీ, మిస్ యూనివర్స్ మానుషి చిల్లర్ నటిస్తున్నట్టు అధికారింగా ప్రకటించారు. అంతేకాదు షూటింగ్ ను కూడా ప్రారంభించినట్టు తెలియచేశారు.
s@sonypicsfilmsin
We are on a journey to celebrate the Pride & Glory of the IAF 🇮🇳
కాగా సోనీ పిక్చర్స్ ఇంటర్నేషనల్ ప్రొడక్షన్స్ రినైసన్స్ పిక్చర్స్ పై సిద్దు ముద్దా, నందు ఈసినిమాను నిర్మిస్తున్నారు. తెలుగుతో పాటు హిందీలో కూడా ఈసినిమాను ఒకేసారి రూపొందిస్తున్నట్టు తెలుస్తుంది. గవెమిక్ సినిమాటోగ్రఫి అందిస్తున్నారు. త్వరలోనే ఈసినిమా షూటింగ్ ను మొదలుపెట్టనున్నట్టు తెలిపారు. ఇక ఈసినిమాలో నటించే నటీ నటులు ఇతర వివరాలను త్వరలో తెలియచేయనున్నారు.
ఇదిలా ఉండగా వరుణ్ తేజ్ ప్రస్తుతం ప్రవీణ్ సత్తారు దర్శకత్వంలో కూడా ఒక సినిమా చేస్తున్న సంగతి తెలిసిందే కదా. ఈసినిమా వరుణ్ 12వ సినిమాగా వస్తుంది. ఈసినిమాకు గాండీవధారి అర్జున అనే టైటిల్ ను కూడా ఫిక్స్ చేశారు. ఈసినిమా షూటింగ్ చివరి దశకు వచ్చేసింది. ఈ చిత్రాన్ని నాగబాబు సమర్పణలో శ్రీ వెంకటేశ్వరా సినీ చిత్ర బ్యానర్పై బీవిఎస్ఎన్ ప్రసాద్ నిర్మిస్తున్నాడు. ఈసినిమాకు మిక్కీ జే మేయర్ సంగీతం అందిస్తుండగా.. ముఖేష్ సినిమాటోగ్రాఫర్ గా పనిచేయనున్నారు.