లోకేష్ కనగరాజ్ దర్శకత్వంలో ఇళయదళపతి ఒక సినిమా చేస్తున్న సంగతి తెలిసిందే కదా. మాస్టర్ తరువాత వీరిద్దరి కాంబినేషన్ లో వస్తున్న సినిమా ఇది. దీంతో ఈసినిమాపై భారీ అంచనాలే ఉన్నాయి. ఈసినిమా షూటింగ్ ను గత నెలలోనే ప్రారంభమైంది. రీసెంట్ గానే ఈసినిమా టైటిల్ ను ప్రకటించారు మేకర్స్. లియో అనే టైటిల్ ను ఈసినిమాకు ఫిక్స్ చేశారు. టైటిల్ గ్లింప్స్ కే సూపర్ రెస్పాన్స్ వచ్చింది. ప్రస్తుతం ఈసినిమా శరవేగంగా షూటింగ్ ను ముగించుకుంటుంది.
ఇదిలా ఉండగా ఈసినిమాలో స్టార్ డైరెక్టర్ మిస్కిన్ కూడా ఒక కీలక పాత్రలో నటిస్తన్న సంగతి తెలిసిందే. రీసెంట్ గానే తన పాత్రకు సంబంధించిన షూటింగ్ ను పూర్తి చేసుకున్నాడు. ఈవిషయాన్ని మిస్కిన్ స్వయంగా తన ట్విట్టర్ ద్వారా తెలియచేశారు. ఇక ఇప్పుడు లోకేష్ కూడా మిస్కిన్ తో వర్కింగ్ ఎక్స్ పీరియన్స్ గురించి తన ట్విట్టర్ లో తెలియచేశాడు. మీతో పని చేసే అవకాశం వచ్చినందుకు మిలియన్ థ్యాంక్స్ చెప్పినా సరిపోదు.. మీరు లియో సెట్స్ లో ఉన్నపుడు మేమంతా ఓ బ్లాస్ట్ లా ఎంజాయ్ చేశామని మీకెంత కృతజ్ఞతలు తెలిపినా సరిపోదని తెలిపాడు.
D@Dir_Lokesh
My Dear @DirectorMysskin sir, A million thanks won’t suffice to express how grateful and fortunate I feel to have had the opportunity to work with you in such close capacity. We had an absolute blast having you on sets Sir.I can never thank you enough but a million thanks ! #Leo
ఈసినిమాకు ఎస్ ఎస్ లలిత్ కుమార్ నిర్మిస్తుండగా జగదీష్ పళనిసామి సహ నిర్మాతగా వ్యవహరించనున్నట్టు తెలిపారు. కత్తి, మాస్టర్, బీస్ట్ చిత్రాలతో చార్ట్బస్టర్ ఆల్బమ్లను అందించిన రాక్స్టార్ అనిరుధ్ రవిచందర్.. ‘దలపతి 67’ కోసం నాల్గవ సారి విజయ్ తో కలసి పని చేస్తున్నారు. సినిమాటోగ్రాఫర్ గా మనోజ్ పరమహంస పనిచేస్తుండగా.. సతీశ్ కుమార్ ఆర్ట్ డైరెక్టర్ గా.. అన్బరివ్ యాక్షన్ కొరియోగ్రఫర్గా పనిచేస్తున్నాడు.