హీరో నాని కి కీర్తి సురేష్ స్వీట్ బర్త్ డే విషెస్
Keerthy Suresh wishes Natural Star Nani on his birthday

హీరో నాని, కీర్తి సురేష్ జంటగా తెరకెక్కిన నేను లోకల్ మూవీ ఘనవిజయం సాధించిన విషయం తెలిసిందే. ఇప్పుడు మరోసారి వారిద్దరూ జంటగా దసరా మూవీ తో ప్రేక్షకులను అలరించనున్నారు. శ్రీలక్ష్మి వెంకటేశ్వర సినిమాస్ బ్యానర్ పై శ్రీకాంత్ ఓదెల దర్శకత్వంలో హీరో నాని, కీర్తి సురేష్ జంటగా సింగరేణి కోల్ మైన్స్ బ్యాక్ డ్రాప్ లో తెరకెక్కుతున్న మాస్ యాక్షన్ ఎంటర్ టైనర్ దసరా మూవీ మార్చి 30 వ తేదీ రిలీజ్ కానుంది. పాన్ ఇండియా మూవీగా రిలీజ్ కానున్న దసరా మూవీకి సంతోష్ నారాయణన్ సంగీతం అందించారు. చిత్ర యూనిట్ రిలీజ్ చేసిన పోస్టర్స్, సాంగ్స్, టీజర్ ప్రేక్షకులను ఆకట్టుకున్నాయి.
హీరో నాని నిన్న తన బర్త్ డే ను గ్రాండ్ గా జరుపుకున్నారు. సెలబ్రిటీస్ తో పాటు అభిమానులు సోషల్ మీడియా ద్వారా నాని కి బర్త్ డే శుభాకాంక్షలు అందజేశారు. తాజాగా మహానటి కీర్తి సురేష్ తన కో స్టార్ నానికి సోషల్ మీడియా ద్వారా స్వీట్ బర్త్ డే విషెస్ తెలిపారు. హీరో నాని కి బర్త్ డే విషెస్ తెలుపుతూ కీర్తి తామిద్దరూ షాట్ గ్యాప్ లో బ్యాడ్మింటన్ ఆడుతున్న వీడియో ను ఇన్ స్టా గ్రామ్ లో షేర్ చేశారు. ఆ వీడియో అభిమానులను ఆకట్టుకుని వైరల్ గా మారింది.








