రిలీజ్ కు ముందే ప్రాఫిట్ సాధించిన అమిగోస్
Kalyan Ram Amigos Movie Pre Release Business

మైత్రీ మూవీ మేకర్స్ బ్యానర్ పై రాజేంద్ర రెడ్డి దర్శకత్వంలో కళ్యాణ్ రామ్, ఆషిక రంగనాథ్ జంటగా తెరకెక్కుతున్న అమిగోస్ మూవీ ఫిబ్రవరి 10, 2023 న రిలీజ్ కానుంది. ఈ మూవీలో బ్రహ్మాజీ, సప్తగిరి, రవి ప్రకాష్, శివన్నారాయణ, చైతన్య కృష్ణ, రఘు కారుమంచి, కళ్యాణి నటరాజన్, రాజశ్రీ నాయర్, సోనాక్షి వర్మ తదితరులు నటించారు. జిబ్రాన్ సంగీతం అందిస్తున్నారు. ఈ మూవీలో హీరో కళ్యాణ్ రామ్ మూడు పాత్రలలో నటించడం విశేషం. అమిగోస్ చిత్రయూనిట్ రిలీజ్ చేసిన పోస్టర్స్, టీజర్, ఎన్నో రాత్రులొస్తాయి రీమిక్స్ సాంగ్, ట్రైలర్ ప్రేక్షకులను విశేషంగా ఆకట్టుకున్నాయి.
బింబిసార మూవీ సక్సెస్ కారణంగా రిలీజ్కు ముందే కళ్యాణ్రామ్ అమిగోస్ మూవీ నిర్మాతలకు లాభాలను మిగిల్చినట్లు సమాచారం. 20 నుంచి 22 కోట్ల మధ్య బడ్జెట్తో అమిగోస్ సినిమా తెరకెక్కగా తెలుగు రాష్ట్రాల థియేట్రికల్ రైట్స్ దాదాపు పది కోట్లు, శాటిలైట్, డిజిటల్ రూపంలో మరో పది కోట్లు, డబ్బింగ్, ఓవర్సీస్ బిజినెస్ ఆరు నుంచి ఏడు కోట్ల మధ్య జరిగినట్లు.. రిలీజ్కు ముందే నిర్మాతలకు ఈ సినిమా ఐదు కోట్ల వరకు లాభాలను మిగిల్చినట్లు సమాచారం. అమిగోస్ మూవీపై భారీ అంచనాలు నెలకొన్నాయి.








