త్వరలో తెలుగు సినిమాలో నటిస్తా
I Will Act in a Telugu Film Soon Says Varun Dhawan

దేశవ్యాప్తంగా సౌత్ సినిమాల హవా ఎంతం నడుస్తుందో చూస్తూనే చూశాం. ఇక ఈమధ్య కాలంలో వచ్చిన సినిమాలు కూడా సంచలన విజయాలు సొంతం చేసుకుంటూ బాక్సాఫీస్ వద్ద తమ సత్తా చాటుతున్నాయి. రీసెంట్ గా వచ్చిన కాంతార కూడా సౌత్ సినిమా స్థాయిని మరో మెట్టు ఎక్కించింది. అందుకే సౌత్ సినిమాలపై, సౌత్ హీరోలపై హిందీ నటీనటులు ప్రశంసలు కురిపిస్తున్నారు. కొంతమంది అయితే ఇప్పుడు తెలుగులో నటించడానికి కూడా ఆసక్తి చూపిస్తున్నారు. ఈ నేపథ్యంలోనే ఓ బాలీవుడ్ యంగ్ హీరో తెలుగులో త్వరలో నటిస్తా అంటున్నాడు. ఆ హీరో ఎవరో కాదు వరుణ్ ధావన్.
తాజాగా ఓ ఇంటర్వ్యూలో పాల్గొన్న వరుణ్ ధావన్ తెలుగులో సినిమా చేయాలని చాలా ఆసక్తికరంగా ఉన్నట్టు తెలిపాడు. అంతేకాదు.. ఇప్పటికే పలువురు ఫిలిం మేకర్స్ తో చర్చలు జరిగాయని.. ఖచ్చితంగా తెలుగు సినిమా చేసే రోజు వస్తుందని చెప్పాడు. మరి చూద్దాం ఆ రోజు ఎంత త్వరగా వస్తుందో చూద్దాం.. కాగా రీసెంట్ గానే భేడియా అనే సినిమాతో ప్రేక్షకుల ముందుకు వచ్చాడు. అమర్ కౌశిక్ దర్శకత్వంలో హారర్ కామెడీ నేపథ్యంలో ఈసినిమా వచ్చింది. తెలుగులో ఈసినిమా తోడేలు అనే టైటిల్ తో రిలీజ్ చేశారు గీతా ఆర్ట్స్ వారు. హిందీ, తమిళం అలాగే తెలుగులో పాన్ ఇండియా తరహాలో నవంబర్ 25 న 3D వెర్షన్ లో రిలీజ్ అయిన ఈసినిమా మంచి రివ్యూస్ నే సొంతం చేసుకుంది. ప్రస్తుతం అయితే బాలీవుడ్ లోనే పలు సినిమాల్లో నటిస్తున్నాడు వరుణ్ ధావన్.







