అవతార్ మూవీ తెలుగు వెర్షన్ కు అవసరాల శ్రీనివాస్ డైలాగ్స్
Avasarala Srinivas To Pen Dialogues For Avatar Telugu Version

బ్లాక్ బస్టర్ టెర్మినేటర్, టైటానిక్, పిరాన్హ 2 వంటి హాలీవుడ్ మూవీస్ దర్శకుడు జేమ్స్ కామెరాన్ దర్శకత్వంలో తెరకెక్కిన విజువల్ వండర్ అవతార్ హాలీవుడ్ మూవీ 2009 లో రిలీజ్ అయ్యి ఘనవిజయం సాధించి, భారీ కలెక్షన్స్ తో వరల్డ్ బిగ్గెస్ట్ బ్లాక్ బస్టర్ మూవీ గా నిలిచింది. లైట్ స్ట్రామ్ ఎంటర్టైన్మెంట్-టీఎస్జీ ఎంటర్టైన్మెంట్ బ్యానర్స్ పై జేమ్స్ కామెరాన్ దర్శకత్వం లో సామ్ వర్తింగ్టన్, జో సాల్డనా ప్రధాన పాత్రల్లో తెరకెక్కిన అవతార్ మూవీ సీక్వెల్ అవతార్ : ది వే ఆఫ్ వాటర్ మూవీ ప్రధాన భారతీయ భాషలన్నింటిలో రిలీజ్ కానుంది. భారత్లో ఈ ఏడాది డిసెంబరు 16న విడుదల కానుంది. మిగతా దేశాల్లో డిసెంబరు 14న రిలీజ్ కానున్నట్లు సమాచారం.
సరికొత్త టెక్నాలిజీతో తెరకెక్కిన ఈ మూవీని ప్రపంచవ్యాప్తంగా సుమారు 160 భాషల్లో మేకర్స్ విడుదల చేయనున్నారు. త్రీడీలోనే కాకుండా 4కె, లైవ్ థియేటర్ ఎక్స్పీరియన్స్ వంటి మరింత అత్యాధునిక సాంకేతికత అంశాలతో ప్రేక్షకుల ముందుకు రానుంది. చిత్ర యూనిట్ రిలీజ్ చేసిన పోస్టర్స్ , ట్రైలర్ కూడా నెక్స్ట్ లెవెల్లో ఉండి ప్రేక్షకులను ఆకట్టుకుంది.నటుడు, దర్శకుడు, కథా రచయితగా శ్రీనివాస్ అవసరాల పలు సూపర్ హిట్ మూవీస్ తో ప్రేక్షకులను అలరించిన విషయం తెలిసిందే. మల్టీ టాలెంటెడ్ శ్రీనివాస్ అవసరాల ఇప్పుడు ప్రపంచమంతా ఎంతో ఆసక్తిగా ఎదురు చూస్తున్న అవతార్ 2 మూవీ తెలుగు వెర్షన్ కు డైలాగ్స్ అందించడం విశేషం.







