
హీరో , డైరెక్టర్ రాఘవ లారెన్స్ పలు హారర్ కామెడీ మూవీస్ తో ప్రేక్షకులను అలరించిన విషయం తెలిసిందే. టాలీవుడ్ లో పలు హారర్ , కామెడీ హారర్ మూవీస్ సందడి చేశాయి. పలు బ్లాక్ బస్టర్ మూవీస్ తో ప్రేక్షకులను అలరించిన స్టార్ హీరోయిన్స్ ఇప్పుడు హారర్ మూవీస్ లో నటించడానికి ఆసక్తి చూపుతున్నారు. లేడీ సూపర్ స్టార్ నయనతార మాయ , ఐరా , డోరా వంటి హారర్ మూవీస్ తో ప్రేక్షకులను అలరించారు. తాజాగా నయనతార మరో హారర్ మూవీ కి గ్రీన్ సిగ్నల్ ఇచ్చారు. అశ్విన్ శరవణన్ దర్శకత్వంలో నయనతార ప్రధాన పాత్రలో హారర్ మూవీ కనెక్ట్ తెరకెక్కుతుంది.
స్టార్ హీరోయిన్ కాజల్ అగర్వాల్ ఫస్ట్ టైమ్ నటించిన హారర్ మూవీ ఘోస్టీ విడుదలకు సిద్ధంగా ఉంది. హారర్ బ్యాక్ డ్రాప్ లో తెరకెక్కిన కరుంగాప్పియమ్ తమిళ మూవీ లో కాజల్ అతీంద్రి శక్తులు ఉన్న పాత్రలో నటించారు. బ్లాక్ బస్టర్ చంద్రముఖి మూవీ సీక్వెల్ చంద్రముఖి 2 మూవీ లో ఒక పాత్రకు కాజల్ ఎంపిక అయినట్టు సమాచారం. దర్శకుడు శబరి గురుశరవణన్ దర్శకత్వంలో తెరకెక్కుతున్న హారర్ మూవీ గార్డియన్ లో నటిస్తున్న అందాల హన్సిక మరో తమిళ హారర్ మూవీ కి గ్రీన్ సిగ్నల్ ఇచ్చారు. రాజు గారి గది 2 తరువాత సమంత హారర్ బ్యాక్ డ్రాప్ లో తెరకెక్కనున్న హిందీ మూవీ కి గ్రీన్ సిగ్నల్ ఇచ్చారు. రాయ్ లక్ష్మి సిండ్రెల్లా హారర్ మూవీ తో ప్రేక్షకులను అలరించనున్నారు.








