
మోస్ట్ ఎలిజిబుల్ బ్యాచ్ లర్ మూవీ తో సక్సెస్ అందుకున్న యువ కథానాయకుడు అఖిల్ అక్కినేని ప్రస్తుతం ఏ కె ఎంటర్ టైన్ మెంట్స్, సురేందర్ 2 సినిమా బ్యానర్స్ పై స్టైలిష్ మూవీస్ దర్శకుడు సురేందర్ రెడ్డి దర్శకత్వంలో తెరకెక్కుతున్న స్పై థ్రిల్లర్ ఏజెంట్ మూవీ లో నటిస్తున్నారు. సాక్షి వైద్య కథానాయిక. మలయాళ సూపర్ స్టార్ మమ్ముట్టి ఒక కీలక పాత్రలో నటిస్తున్నారు. హిప్ హప్ తమిళ సంగీతం అందిస్తున్నారు.ఏజెంట్ చిత్ర యూనిట్ రిలీజ్ చేసిన పోస్టర్స్ , టీజర్ ప్రేక్షకులను ఆకట్టుకున్నాయి.ఏజెంట్ మూవీ దక్షిణాది భాషలతో పాటు హిందీ భాషలో కూడా రిలీజ్ కానుంది. 2023 సంక్రాంతి కానుకగా ఏజెంట్ మూవీ రిలీజ్ కానుందని సమాచారం.
యంగ్ హీరో అఖిల్ తన సోషల్ మీడియా అకౌంట్స్ ద్వారా అప్పుడప్పుడు తన సినీ, వ్యక్తిగత విషయాలకు సంబందించిన సంగతులని ఫ్యాన్స్, ఆడియన్స్ తో పంచుకుంటూ ఉంటారన్న విషయం తెలిసిందే. లేటెస్ట్ గా సిక్స్ ప్యాక్ బాడీ లుక్ లో షర్ట్ విప్పి కార్ మీద కూర్చుని ఉన్న పిక్ ని అఖిల్ ఇన్ స్టా గ్రామ్ లో షేర్ చేయగా అభిమానులను ఆకట్టుకుని వైరల్ గా మారింది.







