లేడీస్ కాలేజీ లెక్చరర్ గా హీరో రామ్ ?
Interesting Update about Ram Pothineni Character

పలు యాక్షన్ ఎంటర్ టైనర్ మూవీస్ తో ఎనర్జిటిక్ స్టార్ రామ్ పోతినేని ప్రేక్షకులను అలరిస్తున్న విషయం తెలిసిందే. తాజాగా హీరో రామ్ మరో భారీ యాక్షన్ ఎంటర్ టైనర్ మూవీ తో ప్రేక్షకులను అలరించనున్నారు. శ్రీనివాసా సిల్వర్ స్క్రీన్ బ్యానర్ పై మాస్ మసాలా చిత్ర దర్శకుడు బోయపాటి శ్రీను దర్శకత్వంలో రామ్ పోతినేని హీరోగా తెరకెక్కుతున్న హై వోల్టేజ్ యాక్షన్ ఎంటర్ టైనర్ #RAPO20 మూవీ పూజ కార్యక్రమాలు జరుపుకున్న విషయం తెలిసిందే.దక్షిణాది భాషలతో పాటు హిందీ భాషలో కూడా రిలీజ్ కానున్న #RAPO 20 మూవీలో ఏజెంట్ మూవీ బ్యూటీ సాక్షి వైద్య కథానాయికగా ఎంపిక అయినట్టు సమాచారం. థమన్ ఎస్ సంగీతం అందిస్తున్నారు.
ప్రముఖ నటీనటులు, సాంకేతిక నిపుణులు భాగం కానున్న # RAPO 20 మూవీ రెగ్యులర్ షూటింగ్ అక్టోబర్ 6 నుంచి మొదలు కానుందని సమాచారం. హీరో రామ్ ద్విపాత్రాభినయం చేయనున్న ఈ మూవీ లో రెండు పాత్రల్లో చాలా వేరియేషన్స్ ఉన్నాయనీ , ఒక పాత్రలో హీరో రామ్ లేడీస్ కాలేజీ లెక్చరర్ గా నటించనున్నారనీ సమాచారం.






