కన్నడ సినిమాకు ప్రభాస్ ప్రశంసలు
Prabhas is all praises for this Kannada Movie

ఇప్పుడు కన్నడ పరిశ్రమనకు కూడా మంచి రోజులు వచ్చాయి. కె.జి.యఫ్ సినిమా కన్నడ పరిశ్రమ స్థాయిని మార్చేసింది. ఇక ఇటీవల వచ్చిన చార్లీ 777, విక్రాంత్ రోణ సినిమాలు ప్రేక్షకులను మెప్పించాయి. ఇక ఇప్పుడు మరో సినిమా ప్రేక్షకులను ఆకట్టుకుంటుంది. ఆ సినిమా మరేదో కాదు కంటర సినిమా. కన్నడ స్టార్ హీరో రిషబ్ శెట్టి నటించి, దర్శకత్వం వహించిన కంటర సినిమాలో అచ్యుత్ కుమార్, ప్రమోద్ శెట్టి, సప్తమీ గౌడ తదితరులు నటించారు. అడ్వంచరస్ యాక్షన్ థ్రిల్లర్ గా తెరకెక్కిన ఈసినిమా నిన్న రిలీజ్ అయి మంచి టాక్ ను సొంతం చేసుకుంది.
ఇక ఇప్పుడు తాజాగా ఈసినిమాపై ప్రభాస్ కూడా ప్రశంసలు కురిపించారు. ఈసినిమా స్పెషల్ షోను ప్రభాస్ కోసం మేకర్స్ నిర్వహించారు. ఇక ఈసినిమా కూడా ప్రభాస్ కు బాగా నచ్చినట్టుంది. అందుకే తన ఇన్ట్సా ద్వారా ఈసినిమాపై ప్రశంసలు కురిపించారు. ఈసినిమా తనకు చాలా బాగా నచ్చిందని ముఖ్యంగా క్లైమాక్స్ తనకు నచ్చిన ఎపిసోడ్ అని ఈసినిమా మంచి విజయం సాధించినందుకు టీమ్ కు అభినందనలు తెలిపారు.

కాగా ఈసినిమాను ఎన్నో సూపర్ హిట్ సినిమాలను అందించిన హెంబలే ఫిల్మ్స్ బ్యానర్పై ప్రముఖ నిర్మాత విజయ్ కిరగందూర్ నిర్మించారు. అజిత్ లోక్ నాథ్ ఈసినిమాకు సంగీతం అందిస్తున్నారు. అరవింద్ కశ్యప్ సినిమాటోగ్రఫి, ప్రతీక్ శెట్టి ఈసినిమాకు ఎడిటర్ గా పనిచేస్తున్నారు.







