టైగర్ నాగేశ్వర రావు మూవీ లో రేణు దేశాయ్ లుక్ , వీడియో క్లిప్ రిలీజ్
Renu Desai's Look from Tiger Nageswara Rao Revealed

తేజ్ నారాయణ్ అగర్వాల్ సమర్పణలో అభిషేక్ అగర్వాల్ ఆర్ట్స్ బ్యానర్ పై వంశీ దర్శకత్వం లో మాస్ మహారాజా రవితేజ హీరోగా స్టువర్ట్ పురం గజదొంగ నాగేశ్వరరావు జీవిత చరిత్ర ఆధారంగా పాన్ ఇండియా మూవీ టైగర్ నాగేశ్వరరావు తెరకెక్కుతున్న విషయం తెలిసిందే. ఈ మూవీ లో నుపుర్ సనన్ కథానాయిక కాగా గాయత్రి భరద్వాజ్ , రేణు దేశాయ్ , అనుపమ్ ఖేర్ ముఖ్య పాత్రలలో నటిస్తున్నారు. జి వి ప్రకాష్ కుమార్ సంగీతం అందిస్తున్నారు. ఈ మూవీ నుండి ఫస్ట్ పోస్టర్ ను మేకర్స్ రిలీజ్ చేయగా ప్రేక్షకులను ఆకట్టుకుంది.
బద్రి , జానీ మూవీస్ ఫేమ్ హీరోయిన్ రేణు దేశాయ్ టైగర్ నాగేశ్వర రావు మూవీ తో 18 సంవత్సరాల తరువాత టాలీవుడ్ కు రీ ఎంట్రీ ఇస్తున్నారు. ఈ మూవీ లో రేణు దేశాయ్ హేమలత లవణం పాత్రలో నటిస్తున్నారు. తాజా గా చిత్ర యూనిట్ రేణు దేశాయ్ పాత్రకు సంబంధించిన లుక్ ను , వీడియో క్లిప్ ను రిలీజ్ చేసింది. ఈ మూవీ లో రేణు దేశాయ్ పాత్ర చాలా పవర్ ఫుల్ గా ఉంటుందని సమాచారం.







