70 ఎమ్ ఎమ్ ఎంటర్ టైన్ మెంట్స్ బ్యానర్ పై సక్సెస్ ఫుల్ “పలాస 1978 “మూవీ ఫేమ్ కరుణకుమార్ దర్శకత్వంలో సుధీర్ బాబు , ఆనంది జంటగా తెరకెక్కిన యాక్షన్ డ్రామా “శ్రీదేవి సోడా సెంటర్ ” మూవీ ఆగస్ట్ 27 వ తేదీ రిలీజ్ అయ్యి పాజిటివ్ టాక్ తో విజయవంతంగా ప్రదర్శించబడుతుంది.సూపర్ స్టార్ మహేష్ బాబు “శ్రీదేవి సోడా సెంటర్ “టీమ్ కు సోషల్ మీడియా ద్వారా అభినందనలు తెలిపిన విషయం తెలిసిందే.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
నటుడిగా సుధీర్‌బాబు ప్రయాణంలో అత్యుత్తమ ప్రదర్శన చేసిన చిత్రమిదనీ , మహిళలు, ముఖ్యంగా ప్రతి ఒక్కరూ తప్పకుండా చూడాలనీ , అప్పుడే దర్శకుడు చెప్పాలనుకున్న సందేశం ప్రేక్షకులకు చేరువవుతుందనీ , ఇలాంటి అద్భుతమైన చిత్రాలు సుధీర్‌బాబు మరెన్నో చేయాలని కోరుకుంటున్నాననీ మహేష్ బాబు అన్నారు. తాజాగా “సర్కారు వారి పాట”షూటింగ్‌ లొకేషన్ లో మహేష్ బాబు ను హీరో సుధీర్ బాబు , దర్శక, నిర్మాతలు కలిశారు. “శ్రీదేవి సోడా సెంటర్ ” మూవీ లో మహిళా ప్రాధాన్య సన్నివేశాలు చాలా ఉన్నాయనీ , సుధీర్, ఆనంది ల నటన, బోట్‌ రేసింగ్‌ సన్నివేశాలు, శ్యామ్‌దత్‌ ఛాయాగ్రహణం, మణిశర్మ సంగీతం, నేపథ్య సంగీతం ఉన్నత స్థాయిలో ఉన్నాయనీ , ముఖ్యంగా హీరోయిన్‌కు పెళ్ళి అయిందని తెలిసే సన్నివేశంలో సుధీర్‌బాబు హావభావాలు, సంగీతం బాగున్నాయనీ మహేశ్‌బాబు తెలిపారు. మహేష్ బాబు కు చిత్రబృందం ధన్యవాదాలు తెలిపింది.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
