ఈరోజు చిరంజీవి పుట్టిన రోజు కావడంతో మెగాస్టార్ చిరంజీవి అభిమానులు ఈరోజు కోసం ఎంతగా ఎదురుచూస్తున్నారో ప్రత్యేకంగా చెప్పనక్కర్లేదు. అంతేకాదు ఆయన సినిమాల నుండి వచ్చే అప్ డేట్స్ కోసం కూడా అంతే ఆసక్తిగా ఎదురుచూస్తున్నారు. ఇక మేకర్స్ కూడా చిరు అభిమానుల కోసం పలు అప్ డేట్స్ తో రెడీ గా ఉన్నారు. దీనిలో భాగంగానే నిన్ననే లూసిఫర్ రీమేక్ కు సంబంధించిన అప్ డేట్ ఇచ్చేశారు. ఈసినిమాకు గాడ్ ఫాదర్ అనే టైటిల్ ను ఫిక్స్ చేసినట్టు నిన్ననే ప్రకటించారు.
ఇక తాజాగాచిరంజీవి మెహర్ రమేష్ సినిమాకు సంబంధించిన అప్ డేట్ కూడా ఇచ్చారు. ఈ సినిమా టైటిల్ని సూపర్ స్టార్ మహేష్ బాబు చేతుల మీదుగా రిలీజ్ చేశారు. ఈ చిత్రానికి ‘భోళా శంకర్’అని టైటిల్ని ఖరారు చేశారు. ఇక ఈసినిమాలో మొదటి నుండి చిరంజీవి చెల్లిగా కీర్తి సురేష్ ను అనుకుంటున్నట్టే కీర్తి సురేష్ నే ఫిక్స్ చేశారు. ఇక ఈరోజు రాఖీ పండుగ సందర్భంగా.. చిరుకు కీర్తి సురేష్ రాఖీ కడుతున్న వీడియోను వదిలారు. ప్రస్తుతం ఈ వీడియో సోషల్ మీడియాలో వైరల్ అవుతోంది.
కాగా ఏకే ఎంటర్టైన్మెంట్స్ పతాకంపై తెరకెక్కుతోన్న ఈ చిత్రాన్ని అనిల్ సుంకర నిర్మిస్తున్నారు. ఇక ఈసినిమా తమిళ్ లో సూపర్ హిట్ అయిన వేదాళం సినిమాకు రీమేక్ అన్న విషయం తెలిసిందే కదా.