'డెవిల్' గా మారిన కళ్యాణ్ రామ్
Nandamuri Kalyan Ram Announces His Upcoming Movie Titled Devil

కళ్యాణ్ రామ్ పుట్టిన రోజు సందర్భంగా నేడు వరుసపెట్టి సినిమా అప్ డేట్ లు వచ్చేస్తున్నాయి. ఇప్పటికే మల్లిడ విశిష్టతో బింబిసార అనే పీరియాడిక్ డ్రామాతో వస్తున్నాడు. ఇప్పటికే ఈసినిమా షూటింగ్ జరుపుకుంటుంది. దీనితో పాటు కె.వి గుహన్ దర్శకత్వంలో యాక్షన్ డ్రామా నేపథ్యంలో సినిమా రాబోతున్నట్టు నేడు ప్రకటించారు. దిల్ రాజు నిర్మాతగా ఈసినిమా తెరకెక్కుతుంది. మరోవైపు తాజాగా మరో కొత్త సినిమాకు సంబంధించిన ప్రకటన వచ్చింది.
కళ్యాణ్ రామ్ హీరోగా నవీన్ మేడారం దర్శకత్వంలో సినిమా రాబోతున్నట్టు ఎప్పటినుండో వార్తలు వస్తున్న సంగతి తెలిసిందే. దీనికి సంబంధించిన అధికారిక ప్రకటన నేడు ఇచ్చారు. 'డెవిల్' అనే టైటిల్ ను ఈసినిమాకు ఫిక్స్ చేశారు. దీనికి 'ది బ్రిటిష్ సీక్రెట్ ఏజెంట్' అనే ట్యాగ్ లైన్ పెట్టారు. ఫస్ట్ లుక్ పోస్టర్ లో కళ్యాణ్ రామ్ తుపాకీ పట్టుకొని రైలుకు వేలాడుతూ కనిపిస్తున్నాడు. ఇందులో బ్లేజర్ మరియు పంచెకట్టు ధరించి.. పొడవాటి జుట్టు గడ్డం మీసాలతో మ్యాన్లీగా ఉన్నాడు. ట్రైన్ మీద ఇండియన్ ఫ్లాగ్ తో కొందరు వ్యక్తులు ఉండటం చూస్తుంటే పేట్రియాటిక్ నేపథ్యంలో ఈసినిమా రాబోతున్నట్టు అర్థమవుతుంది.

కాగా దేవాన్ష్ నామా సమర్పణలో అభిషేక్ పిక్చర్స్ బ్యానర్ అభిషేక్ నామా ఈ చిత్రాన్ని నిర్మిస్తున్నారు. హర్షవర్ధన్ రామేశ్వర్ సంగీతం అందిస్తున్నాడు. పాన్ ఇండియా సినిమాగా తెలుగు హిందీ తమిళం మరియు కన్నడ భాషలలో భారీ బడ్జెట్ తో ఈ చిత్రాన్ని రూపొందిస్తున్నారు. త్వరలోనే ఈ సినిమాకు సంబంధించిన పూర్తి వివరాలను వెల్లడించనున్నారు.
మరి మూడు సినిమాలు వేటికవే డిఫరెంట్ కాన్సెప్ట్స్. మొత్తానికి కళ్యాణ్ రామ్ ఈసారి డిఫరెంట్ గా చేయడానికి ఫిక్స్ అయినట్టున్నాడు. మరి వీటిలో ఎన్ని సినిమాలు సూపర్ హిట్ గా నిలుస్తాయో చూద్దాం.
వీడియోస్
00:01:09Entha Manchivaadavuraa Teaser
00:02:24118 Movie Trailer
00:02:17Kalyan Ram about Jr NTR
00:17:01Kalyan Ram and Nivetha Thomas Exclusive Interview
00:02:21


