ఈమధ్య కాలంలో సీక్వెల్స్ చేయడం కామన్ అయిపోయింది. సినిమా హిట్ అయితే చాలు వాటి సీక్వెల్స్ ను తీసేస్తున్నారు. ఇప్పుడు ఈ ట్రెంట్ నడుస్తుండటంతో ఒకప్పుడు హిట్ అయిన సినిమాలకు కూడా సీక్వెల్స్ ప్లాన్ చేస్తున్నారు. ఈ నేపథ్యంలో ఇప్పుడు ఒకప్పటి బ్లాక్ బస్టర్ సినిమాకు సీక్వెల్ ను ప్రకటించారు. ఆ సినిమా ఏదో కాదు జెంటిల్మేన్.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
శంకర్ దర్శకత్వంలో అర్జున్, మధుబాల హీరో హీరోయిన్లుగా వచ్చిన జెంటిల్మేన్ సినిమా తమిళ, తెలుగు భాషల్లో ఓ సంచలనం సృష్టించింది. అర్జున్ కెరీర్లో ఈ సినిమా ఓ మైలురాయిగా నిలిచింది. కృష్ణమూర్తి పాత్రలో తన సత్తా చాటాడు. ఇక శంకర్ కూడా తొలి చిత్రంతోనే అందరి దృష్టిని ఆకర్షించి ప్రశంసలు అందుకున్నాడు. కె.జి. కుంజమోన్ నిర్మించిన ఈ చిత్రం 1993లో విడుదలలైంది. ఇక ఇప్పుడు జెంటిల్మేన్కు పార్ట్ 2గా, మొదటి భాగానికి రెండింతలు ఉండేలా జెంటిల్మేన్ 2 చిత్రాన్ని నిర్మిస్తున్నట్లు తెలిపారు నిర్మాత కేటి కుంజుమోన్.
ఈ సందర్భంగా ఆయన మాట్లాడుతూ.. ”జెంటిల్మేన్ మూవీ తమిళ, తెలుగు భాషలలో విడుదలై భారీ విజయాన్ని సొంతం చేసుకుంది. అయితే మరోసారి అందరి అంచనాలను అందుకునేలా రెండింతలు గొప్పదనంతో జెంటిల్మేన్ 2 తెరకెక్కిస్తున్నాం. అత్యాధునిక సాంకేతిక పరిజ్ఞానంతో హాలీవుడ్ చిత్రాలకు ధీటుగా లేటెస్ట్ ప్రొడక్షన్ టెక్నిక్స్తో ఈ చిత్రాన్ని రూపొందిస్తున్నాం” అన్నారు. ఈ చిత్రాన్ని తమిళ, తెలుగు, హిందీ, మలయాళ, కన్నడ ఐదు భాషలలో జెంటిల్మేన్ ఫిలిం ఇంటర్నేషనల్ సంస్థ ప్రతిష్ఠాత్మకంగా నిర్మిస్తుంది. నటీనటులు, సాంకేతిక నిపుణుల వివరాలు త్వరలోనే ప్రకటించనున్నట్టు తెలిపారు.
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: