అజయ్ భూపతి దర్శకత్వంలో కార్తికేయ, పాయల్ రాజ్ పుత్ హీరో హీరోయిన్లు గా వచ్చిన సినిమా ఆర్ఎక్స్100. ఇక ఈ సినిమా ఎంత సంచలన విజయం సాధించిందో ప్రత్యేకంగా చెప్పనక్కర్లేదు. అతి తక్కువ బ‌డ్జెట్లో తెర‌కెక్కిన ఈ చిత్రం రూ.30 కోట్ల దాకా గ్రాస్ క‌లెక్ట చేసింది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఇక ఆర్ఎక్స్ 100 చిత్రంతో టాలీవుడ్ లోకి ఎంట్రీ ఇచ్చి… తొలి చిత్రంతోనే మంచి మార్కులు కొట్టేసింది పాయల్ రాజ్ పుత్. ఇక ఆ చిత్రం తర్వాత వరుస ఆఫర్స్ ను దక్కించుకుంటూ దూసుకుపోతుంది. గత ఏడాది ‘వెంకీమామ’ సినిమాతో అలరించిన పాయల్.. ఈ ఏడాది రవితేజ ‘డిస్కో రాజా’ సినిమాతో కొత్త ఏడాదిని ప్రారంభించింది. అయితే ఈ సినిమా ఆశించినంత విజయం దక్కించుకోలేకపోయింది. ప్రస్తుతం ప్రనదీప్ దర్శకత్వంలో పాయల్ రాజ్ పుత్ ప్ర‌ధాన పాత్ర‌లో ‘5ws’ సినిమా తెరకెక్కుతున్న సంగతి తెలిసిందే. ఇక ఈ సినిమాలో ఆమె ఐపీఎస్ రోల్ లో ఆమె నటిస్తుంది.
ఇక ప్రస్తుతం లాక్ డౌన్ లో ఇంట్లో ఉన్న పాయల్ సోషల్ మీడియా ద్వారా అభిమానులకు మాత్రం అందుబాటులోనే ఉంటుంది. వారితో చిట్ చాట్ కూడా చేస్తుంది. ఇక ఈ నేపథ్యంలో ఒక అభిమాని మీకు ఏదైనా బయోపిక్ లో నటించే ఛాన్స్ వస్తే.. ఏ బయోపిక్ లో నటిస్తారని అడుగగా.. అందుకు పాయల్ శ్రీదేవి గారి బయోపిక్ లో నటించాలని సమాధానం ఇచ్చింది. ఆమె బయోపిక్ కనుక తీస్తే.. శ్రీదేవి గారి పాత్రలోనటించాలని ఉందని తెలిపింది. మరి చూద్దాం ఎవరైనా తీస్తే పాయల్ కు ఛాన్స్ ఇస్తారేమో..
[subscribe]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
