రాముడిగా బాలీవుడ్ స్టార్ హీరో హృతిక్ రోషన్?

పురాణ ఇతిహాస గాథ రామాయణం ఆధారంగా అత్యంత భారీ స్థాయి లో రామాయణ సినిమా రూపొందించనున్న సంగతి తెలిసిందే. తెలుగు సినీ ఇండస్ట్రీలో టాప్ ప్రొడ్యూసర్లలో ఒకరైన అల్లు అరవింద్, మధు మంతెన, నమిత్ మల్హోత్రా నిర్మించనున్న ఈ సినిమాను ‘దంగల్’ దర్శకుడు నితేశ్ తివారీ, ‘మామ్’ దర్శకుడు రవి ఉదయవర్ దర్శకత్వం వహించనున్నారు. తెలుగు, తమిళ్, హిందీ భాషల్లో 3 భాగాలుగా 3D వెర్షన్ లో ఈ సినిమాను ప్రేక్షకుల ముందుకు తీసుకురానున్నారు.

ఇప్పటీకే ఈ సినిమాలో సీత పాత్రలో నయనతారను కానీ అనుష్కను కానీ ఎంపికచేసే అవకాశం ఉన్నట్లు వార్తలు వినిపిస్తున్నాయి. ఇదిలా ఉండగా ఇప్పుడు మరో ఇంట్రెస్టింగ్ న్యూస్ ఒకటి వినిపిస్తుంది. ఇందులో శ్రీరామచంద్రుడి పాత్రలో బాలీవుడ్‌ హంక్ హృతిక్‌ రోషన్‌ నటించనున్నారట. ఇప్పుడు ఇదే వార్త బాలీవుడ్ లో జోరుగా ప్రచారం జరుగుతోంది. మరి ఇందులో ఎంత నిజముందో తెలియాలంటే అధికారిక ప్రకటన వచ్చేంతవరకూ ఆగాల్సిందే. ఫస్ట్ పార్ట్ ను 2021 లో రిలీజ్ చేసే యోచనలో వున్నారు. ఈ సినిమాలో నటించే నటీ నటులు, సాంకేతిక నిపుణుల వివరాలు తెలియాలంటే మాత్రం కొద్ది రోజులు వెయిట్ చేయాల్సిందే .