
ట్యాగ్ · 2 కథనాలు

మరో చిన్నారికి అండగా నిలిచిన మహేష్

మీరే నిజమైన రాజు..!
కొంత మంది తెలిసేలా సేవా కార్యక్రమాలు చేస్తే.. కొంత మంది తెలియకుండా సేవా కార్యక్రమాలు చేసే వాళ్లు ఉంటారు. అలా బయటకు చెప్పుకోకుండా సేవ చేసే.. సాయం అందించే సినీ సెలబ్రిటీలు చాలా మందే ఉన్నారు. ఎవరో ఒకరి ద్వారానో లేక సాయం పొందిన వారు చెబితే తప్పా బయటకు రాని ఘటనలు చాలానే ఉంటాయి. ఇక అలా సాయం చేసినా బయటకు చెప్పుకోని వారిలో సూపర్ స్టార్ మహేష్ బాబు పేరు ముందు వరుసలో ఉంటుంది. ఎన్నో సేవా కార్యక్రమాలు చేసినా పెద్దగా బయటకు చెప్పుకోవడానికి ఇష్టపడడు. ఇప్పటికే మహేష్ బాబు చిన్న పిల్లలకు పలు సేవా కార్యక్రమాలు అందించడంతో పాటు.. పలు గ్రామాల్ని దత్తత తీసుకొని వాటిని అభివృద్ది చేయడంలో కృషిచేస్తున్నాడు.
మరో చిన్నారికి అండగా నిలిచిన మహేష్
సూపర్ స్టార్ మహేష్ బాబు ఎన్నో సేవా కార్యక్రమాలు చేస్తారన్న సంగతి ప్రత్యేకంగా చెప్పనక్కర్లేదు. ఇప్పటికే మహేష్ పలు గ్రామాల్ని దత్తత తీసుకొని వాటిని అభివృద్ది చేయడంలో కృషిచేస్తున్నాడు. అలాగే నిరు పేదలకి ఆయన అండగా ఉంటున్నాడు . ఇక చిన్న పిల్లలకు అయితే ఒకటి కాదు రెండు కాదు ఏకంగా వేయి చిన్న గుండెలకు మహేష్ ఆయువుపోశాడు. గత మూడేళ్ళ కాలంలో మహేష్ బాబు 1000 మంది చిన్నారులకు గుండెకు సంబంధించిన శస్త్రచికిత్సలని విజయవంతగా చేయించాడు. ఇది అందరికీ తెలిసిందే. ఇక ఇటీవలే తనుశ్రీ అనే పాపకు గుండె ఆపరేషన్ జరిగిందని నమ్రత తెలిపిన సంగతి తెలిసిందే. ఇప్పుడు మరో చిన్నారికి అండగా నిలిచాడు మహేష్.