
సినిమా వార్తలు
ట్యాగ్ · 61 కథనాలు · పేజీ 4


పవర్ స్టార్ పవన్ కళ్యాణ్ కెరీర్లో వన్ ఆఫ్ ది బెస్ట్ రొమాంటిక్ ఎంటర్టైనర్స్గా నిలిచిన చిత్రం ‘ఖుషి’. కథానాయకుడిగా వరుస విజయాలతో మంచి ఫామ్లో ఉన్న పవన్ స్థాయిని అమాంతం పెంచిన సినిమా ఇది. ఆబాలగోపాలాన్ని అలరించిన ఈ చిత్రంలో పవన్కు జోడిగా భూమికా చావ్లా నటించింది. శివాజీ, నాజర్, విజయ్ కుమార్, సుధ, అలీ, రాజన్ పి.దేవ్, ముంతాజ్, జానకి సబేష్, అజయ్ ముఖ్య భూమికలు పోషించారు. టాలెంటెడ్ డైరెక్టర్ ఎస్.జె.సూర్య ఈ మూవీని తెరకెక్కించడమే కాకుండా.. కథను మలుపుతిప్పే పాత్రలోనూ దర్శనమిచ్చాడు. తమిళ చిత్రం ‘ఖుషి’కి రీమేక్గా రూపొందిన ఈ రొమాంటిక్ ఎంటర్టైనర్ను ప్రముఖ నిర్మాత ఎ.ఎం.రత్నం నిర్మించాడు.