కంటెంట్‌కు వెళ్లండి
తెలుగు ఫిల్మ్‌నగర్
వెనక్కి

మిస్టర్ మిడిల్ క్లాస్ పూర్తిగా ప్రేక్షకుల కోసం తీసిన సినిమా - రాజేంద్ర ప్రసాద్

Mr. Middle Class Is a Film Made Entirely for the Audience says Rajendra Prasad

మిస్టర్ మిడిల్ క్లాస్ పూర్తిగా ప్రేక్షకుల కోసం తీసిన సినిమా - రాజేంద్ర ప్రసాద్

Mr. Middle Class Is a Film Made Entirely for the Audience says Rajendra Prasad

Mr. Middle Class Is a Film Made Entirely for the Audience says Rajendra Prasad

శ్రీకాంత్, లయ హీరో హీరోయిన్స్ గా నటకిరీటి రాజేంద్ర ప్రసాద్ ప్రధాన పాత్రలో ప్రముఖ దర్శకుడు జి. నాగేశ్వర్ రెడ్డి దర్శకత్వంలో రూపొందుతున్న అవుట్ అండ్ అవుట్ ఎంటర్టైనర్ మిస్టర్ మిడిల్ క్లాస్. జీకే & సిఎన్ నిర్మిస్తున్న ఈ చిత్రం టీజర్ కి అద్భుతమైన రెస్పాన్స్ వచ్చింది. జూలై 17న ఈ చిత్రం ప్రేక్షకులు ముందుకు రానుంది. ఈ సందర్భంగా మేకర్స్ గ్రాండ్ గా ప్రీరిలీజ్ ఈవెంట్ నిర్వహించారు. ఈ వేడుకలో ట్రైలర్ లాంచ్ చేశారు. ఈ వేడుకకు వివి వినాయక్, దశరథ్, కోన వెంకట్ ముఖ్య అతిథులుగా హాజరయ్యారు.

రాజేంద్ర ప్రసాద్ మాట్లాడుతూ… అందరికీ నమస్కారం. దర్శకుడు నాగేశ్వర్ రెడ్డి గారు 'రాజేంద్రుడు గజేంద్రుడు' సినిమాకి ఫస్ట్ క్లాప్ కొట్టారు. అప్పటి నుంచి మాతో కలిసి ప్రయాణం చేస్తూ ఈ స్థాయికి వచ్చారు. ఆయన ఎదుగుదల చూస్తుంటే చాలా ఆనందంగా ఉంటుంది. ఈ సినిమాలో వెంకటేశ్వర స్వామి పాత్ర చేయాలని నాగేశ్వర్ రెడ్డి గారు చెప్పినప్పుడు నేను చాలా ఆలోచించాను. విశ్వవిఖ్యాత నటసార్వభౌమ ఎన్టీఆర్ గారు పోషించిన పాత్రలన్నీ నాకు గుర్తుకొచ్చాయి. అలాంటి పాత్రలు చేయాలంటే చాలా భయం, భక్తి ఉండాలి. అందుకే ఈ పాత్రను ఎంతో నిష్ఠతో చేశాను. మేకప్ వేసుకున్న తర్వాత కూర్చోవడానికి కూడా మనసు రాలేదు. ఎక్కువసేపు నిల్చునే ఉండేవాడిని. సెట్లో అందరూ 'చాలా అద్భుతంగా ఉంది' అని చెప్పిన ప్రతిసారీ నాకు ఎంతో ప్రోత్సాహంగా అనిపించేది. ఇలాంటి గొప్ప పాత్ర చేసే అవకాశం రావడం నా అదృష్టంగా భావిస్తున్నాను.

నాకు ఈ పాత్ర ఇచ్చిన నాగేశ్వర్ రెడ్డి గారికి ప్రత్యేక ధన్యవాదాలు. ఈ సినిమాకు సాయి అద్భుతమైన సంగీతం అందించారు. ముఖ్యంగా నా ఇంట్రడక్షన్ సీన్‌కి ఇచ్చిన బ్యాక్‌గ్రౌండ్ స్కోర్ చూస్తుంటే ఒళ్లు గగుర్పొడిచింది. 'మిస్టర్ మిడిల్ క్లాస్' పూర్తిగా ప్రేక్షకుల కోసం తీసిన సినిమా. ఈ రోజుల్లో మనం మిడిల్ క్లాస్ వాళ్లమంతా ఎలాంటి సమస్య వచ్చినా వెంకటేశ్వర స్వామిని ఆశ్రయిస్తాం. మన బాధలన్నీ ఆయనతో చెప్పుకుంటాం. ఈ సినిమాలో కూడా వెంకటేశ్వర స్వామిని చాలా ఫ్రెండ్లీగా చూపించాం. ఆ పాత్ర ద్వారా రాజేంద్ర ప్రసాద్ మీ అందరికీ ఒక స్నేహితుడిలా అనిపిస్తాడు. ప్రేక్షకులందరూ ఈ పాత్రను ఎంతో ఎంజాయ్ చేస్తారని నేను గ్యారెంటీగా చెబుతున్నాను. శ్రీకాంత్‌తో నేను 'క్షేమంగా వెళ్లి లాభంగా రండి' సినిమా నుంచి ఎన్నో సూపర్ హిట్ సినిమాలు చేశాను. మా కాంబినేషన్ ఎప్పుడూ ప్రేక్షకులను అలరించింది. చాలా కాలం తర్వాత మళ్లీ శ్రీకాంత్‌తో కలిసి ఒక ఫుల్ లెంగ్త్ ఎంటర్‌టైనర్‌లో నటించడం చాలా ఆనందంగా ఉంది. జూలై 17న విడుదలవుతున్న 'మిస్టర్ మిడిల్ క్లాస్' సినిమాను అందరూ చూసి ఆదరిస్తారని ఆశిస్తున్నాను.

వీడియోస్

సంబంధిత వార్తలు

అన్నీ
వాట్సాప్‌లో షేర్ చేయండి

షేర్