
ఉస్తాద్ రామ్ పోతినేని తన 23వ ప్రాజెక్ట్ #RAPO23ను అధికారికంగా పట్టాలెక్కించేందుకు సిద్ధమయ్యారు. వైవిధ్యమైన కథలను ఎంచుకుంటూ ప్రేక్షకులను అలరించే రామ్.. ఇప్పుడు తన కెరీర్లో 23వ సినిమాను ప్రారంభించేందుకు సర్వం సిద్ధం చేసుకున్నారు. ఈ క్రేజీ సినిమాకు సంబంధించిన ప్రీ-ప్రొడక్షన్ పనులు ఇప్పటికే చివరి దశకు చేరుకున్నాయి.ఈసినిమాను రామ్ స్వయంగా డైరెక్ట్ చేయనుండడం విశేషం.రామ్ అన్న కృష్ణ పోతనేని నిర్మించనున్నారు.
జులై రెండో వారంలో ఈసినిమాను సెట్స్ మీదకు తీసుకెళ్లాలని చూస్తున్నారు. అంతేకాదు వీలైనంత తొందరగా షూటింగ్ పూర్తి చేసి డిసెంబర్ లో రిలీజ్ చేసేలా ప్లాన్ చేస్తున్నారు. ఈ చిత్రంలో రామ్ మునుపెన్నడూ చూడని సరికొత్త మేకోవర్ మరియు స్టైలిష్ లుక్లో కనిపించబోతున్నారట.
ఒక వినూత్నమైన యాక్షన్ ఎంటర్టైనర్ సబ్జెక్ట్తో తెరకెక్కనుండగా ఈసినిమా కాస్ట్ & క్రూ వివరాలను త్వరలోనే మేకర్స్ అధికారికంగా ప్రకటించనున్నారు.ఈసినిమాతో కం బ్యాక్ ఇవ్వాలని చూస్తున్నాడు రామ్. మరి హీరోగా నటిస్తూ డైరెక్ట్ చేస్తున్న ఈసినిమా రామ్ కి ఎలాంటి రిజల్ట్ ఇస్తుందో చూడాలి.







