ధృవ్ విక్రమ్ హీరోగా తమిళ్ లో సినిమా చేస్తున్న మైత్రి మూవీ మేకర్స్
Dhruv Vikram’s New Film with Mythri Movie Makers Launched Today

టాలీవుడ్ టాప్ ప్రొడక్షన్ హౌస్ మైత్రీ మూవీ మేకర్స్ కోలీవుడ్లో తమ నాలుగో ప్రాజెక్ట్ను అఫీషియల్గా అనౌన్స్ చేసింది. #MythriTamil04 #DV4 వర్కింగ్ టైటిల్తో రూపొందుతున్న ఈ చిత్రం పూజా కార్యక్రమాలతో గ్రాండ్గా ప్రారంభమైంది.
కోలీవుడ్ యంగ్ అండ్ టాలెంటెడ్ హీరో ధ్రువ్ విక్రమ్ కథానాయకుడిగా ఒక అవుట్ అండ్ అవుట్ కమర్షియల్ ఎంటర్టైనర్ చిత్రం పూజా కార్యక్రమాలతో అత్యంత వైభవంగా ప్రారంభమైంది. ఈ ప్రతిష్టాత్మక చిత్రాన్ని ప్రముఖ నిర్మాణ సంస్థ మైత్రీ మూవీ మేకర్స్ నిర్మిస్తోంది. కరణ్ ఏ. కుమార్ ఈ చిత్రానికి దర్శకత్వం వహిస్తుండటంతో పాటు రైటర్ శబితో కలిసి ఈ కథను అందించారు.
ముహూర్తం షాట్ కు దర్శకుడు కీర్తిశ్వరన్ క్లాప్బోర్డ్ కొట్టారు. దర్శకులు అధిక్ రవిచంద్రన్, రవికుమార్, కీర్తిశ్వరన్, ఆంటోనీ భాగ్యరాజ్, రాజా, శశి, 'హాయ్ నాన్న' ఫేమ్ శౌర్యువ్ ఈ ప్రారంభోత్సవ వేడుకకు హాజరయ్యారు.
ఇక సాంకేతిక నిపుణుల విషయానికి వస్తే.. విక్కీ సినిమాటోగ్రాఫర్గా, జయసూర్య ఎడిటర్గా బాధ్యతలు నిర్వహించనున్నారు. అలాగే ప్రవీణ్ రాజా కాస్ట్యూమ్ డిజైనర్గా, జి.ఎమ్. శేఖర్ ప్రొడక్షన్ డిజైనర్గా, మరియు వి.ఎమ్. మోర్ స్టంట్ కొరియోగ్రాఫర్గా వ్యవహరిస్తున్నారు. ధ్రువ్ విక్రమ్ను పక్కా కమర్షియల్ మాస్ లుక్లో ప్రెజెంట్ చేయబోతున్న ఈ ప్రాజెక్ట్పై తమిళ ఇండస్ట్రీలో అప్పుడే మంచి అంచనాలు మొదలయ్యాయి.







