కో స్టార్ తో హీరో నాని
Natural Star Nani shares latest photo from Dasara Movie Sets

శ్రీలక్ష్మీ వెంకటేశ్వర సినిమాస్ బ్యానర్ పై శ్రీకాంత్ ఓదెల దర్శకత్వంలో హీరో నాని, కీర్తి సురేష్ జంటగా సింగరేణి కోల్ మైన్స్ బ్యాక్ డ్రాప్ లో తెరకెక్కిన మాస్ యాక్షన్ ఎంటర్ టైనర్ దసరా మూవీ మార్చి 30 వ తేదీ రిలీజ్ కానుంది. భారీ బడ్జెట్ తో తెరకెక్కుతున్న ఈ మూవీలో సాయి కుమార్, సముద్ర ఖని, జరీనా వాహబ్ ముఖ్య పాత్రలలో నటించారు. పాన్ ఇండియా మూవీగా రిలీజ్ కానున్న దసరా మూవీకి సంతోష్ నారాయణన్ సంగీతం అందించారు. చిత్ర యూనిట్ రిలీజ్ చేసిన పోస్టర్స్, సాంగ్స్, టీజర్ ప్రేక్షకులను ఆకట్టుకున్నాయి.
దసరా మూవీలో పక్కా మాస్ అవతారంలో నాని కనిపించనున్నారు. చిత్ర యూనిట్ రిలీజ్ చేసిన ఫస్ట్ సింగిల్ ధూమ్ ధామ్ దోస్తానా, సెకండ్ సింగిల్ ఓరి వారి పాటలకు ప్రేక్షకులనుండి అద్భుత స్పందన లభిస్తుంది. తాజాగా హీరో నాని ఒక ఫోటో ను సోషల్ మీడియాలో షేర్ చేశారు. చిన్న కోడిపిల్లను అరచేతిలో పెట్టుకొని ఉన్న ఫోటోను మై కో స్టార్ అనే క్యాప్షన్ తో షేర్ చేశారు. ఫోటో లో నాని నవ్వుతూ ఉండగా, కోడి పిల్ల కళ్ళు మూసుకొని ఉంది. ఈ పోస్ట్ కొద్దిసేపటికే వైరల్ గా మారింది.








