ఆది పినిశెట్టి వివాహ వేడుకలో నాని , సందీప్ కిషన్ హంగామా
Nani & Sundeep Kishan Danced At Aadhi Pinisetty & Nikki Galrani Wedding Celebrations

పలు బ్లాక్ మూవీస్ తో ప్రేక్షకులను అలరించిన దర్శకుడు రవిరాజా పినిశెట్టి కుమారుడు ఆది పినిశెట్టి తమిళ , తెలుగు భాషల పలు సూపర్ హిట్ మూవీస్ లో నాయకుడు , ప్రతినాయకుడిగా అద్భుతంగా నటిస్తూ ప్రేక్షకులను అలరిస్తున్న విషయం తెలిసిందే. "గుండెల్లో గోదారి", "సరైనోడు", "నిన్ను కోరి", "రంగస్థలం", "నీవెవరో’’, "యూ టర్న్", "గుడ్ లక్ సఖి" వంటి చిత్రాలతో ప్రేక్షకులను అలరించి ఆది టాలీవుడ్ లో కూడా మంచి గుర్తింపుపొందారు. నటుడిగా బిజీగా ఉండగానే తోటి నటి, తనతో నటించిన హీరోయిన్, కన్నడ బ్యూటీ నిక్కీ గల్రానిని మే18 సాయంత్రం వివాహం చేసుకున్నారు.
చెన్నైలోని ఓ ఫంక్షన్ హాల్లో జరిగిన ఈ వివాహ వేడుకకు కుటుంబ సభ్యులు, పలువురు సినీ ప్రముఖులు హాజరయ్యారు. ఆది వివాహ వేడుకలలో అతనికి ఆప్తమిత్రులైన తెలుగు హీరోలు నేచురల్ స్టార్ నాని, సందీప్ కిషన్ పాల్గొన్నారు. హల్దీ వేడుక అనంతరం వధూవరులిద్దరితో కలిసి నాని, సందీప్ స్టెప్పులేసి సరదాగా స్పెండ్ చేశారు . ఆ వీడియో సోషల్ మీడియా లో వైరల్ గా మారింది.







