స్టార్ హీరోయిన్ సమంత నటన గురించి ప్రత్యేకంగా చెప్పనక్కర్లేదు. కేవలం గ్లామర్ పాత్రలు మాత్రమే కాదు హీరోయిన్ ఒరియెంటెడ్ సినిమాలతో పాటు పాత్ర ప్రధానమైన సినిమాలు కూడా చేస్తూ తనకుంటూ ప్రత్యేకమైన గుర్తింపు తెచ్చుకుంది. అందుకు యూటర్న్, సూపర్ డీలక్స్, రంగస్థలం, ఓ బేబి, ఫ్యామిలీ మ్యాన్ 2 లోని పాత్రలే నిదర్శనం.
రాజ్ అండ్ డీకే డైరెక్షన్ లో అమెజాన్ ప్రైమ్ లో రీసెంట్ గా రిలీజ్ అయిన ఫ్యామిలీ మ్యాన్ 2 సిరీస్ ఎంత సక్సెస్ అయిందో తెలిసిందే కదా. ఇక ఈసిరీస్ లో సౌత్ స్టార్ హీరోయిన్ సమంత కూడా నటించిన సంగతి విదితమే. ఆమె నటనకు గాను.. యాక్షన్ సీన్స్ కి గాని సూపర్ రెస్పాన్స్ వస్తుంది. పలువురి సెలబ్రిటీల నుండి కూడా ప్రశంసలు దక్కించుకుంటుంది సమంత. ఇక ఇప్పుడు మరో అరుదైన గౌరవం దక్కించుకుంది. ఇండియన్ ఫిల్మ్ ఫెస్టివల్ ఆఫ్ మెల్బోర్న్ (ఐ.ఎఫ్.ఎఫ్.ఎం) 2021 అవార్డ్స్ను ప్రకటించింది. 2021కి గాను బెస్ట్ ఫిమేల్ పెర్ఫామెన్స్ కేటగిరిలో ఫ్యామిలీ మ్యాన్ 2లో సమంత తన నటనకు గాను అవార్డ్ దక్కించుకుంది.
S@Samanthaprabhu2
Thankyou so much for this award…this is truly truly special .. Thankyou @rajndk for all the faith and the support 🙏.. #Raji ♥️ https://t.co/Dji0ghdPfC
కాగా ఈ సిరీస్లో మనోజ్ బాజ్పాయ్, సమంతతో పాటు ప్రియమణి, షరీబ్ హష్మి, సాజిద్, మేజర్ సమీర్, దేవ దర్శిని, ఆనందసామి తదితరులు కీలక పాత్రలు పోషించారు. ఈ సిరీస్ ప్రముఖ ఓటీటీ ప్లాట్ఫామ్ అమెజాన్ ప్రైమ్లో స్ట్రీమింగ్ అయింది.