కాకినాడ పోర్ట్ లో "లూసిఫర్ "
Lucifer Movie Telugu Remake To Kickstart In Kakinada Port From Today

సూపర్ స్టార్ మోహన్ లాల్ , మంజు వారియర్ ప్రధాన పాత్రలలో రూపొందిన “లూసిఫర్ “మలయాళ మూవీ ఘనవిజయం సాధించింది.కొణిదెల ప్రొడక్షన్స్ , మెగా సూపర్ గుడ్ ఫిల్మ్స్ , ఎన్ వి ఆర్ ఫిల్మ్స్ బ్యానర్స్ పై తమిళ దర్శకుడు మోహన్ రాజా దర్శకత్వంలో మెగా స్టార్ చిరంజీవి హీరోగా “లూసిఫర్ “మలయాళ మూవీ తెలుగు రీమేక్ మూవీ తెరకెక్కనుంది . లేడీ సూపర్ స్టార్ నయనతార ఒక కీలక పాత్రలో నటిస్తున్నారు. థమన్ ఎస్ సంగీతం అందిస్తున్నారు.ఫస్ట్ సాంగ్ను లండన్లోని అబ్బేరోడ్ స్టూడియోలో రికార్డ్ చేసినట్టు థమన్ ట్వీట్ చేశారు.
“లూసిఫర్ “మలయాళ మూవీ తెలుగు రీమేక్ లో తన పాత్రకై చిరంజీవి అద్భుతమైన మేకోవర్ తో యంగ్ లుక్ లోకి మారారు.మెగాస్టార్ చిరంజీవి, మోహన్ రాజా కాంబినేషన్లో తెరకెక్కబోతోన్న ‘లూసిఫర్’ రీమేక్ షూటింగ్ శుక్రవారం (ఆగస్ట్ 13) నుంచి కాకినాడ పోర్ట్ లో ప్రారంభం కానుందనీ , ప్రస్తుతం వైజాగ్లో ఉన్న చిరంజీవి.. శుక్రవారం కాకినాడ చేరుకుని షూటింగ్ లో పాల్గొంటారనీ , పోర్ట్ లో ఒక కీలక సన్నివేశాన్ని దర్శకుడు తెరకెక్కించనున్నారనీ సమాచారం. ఈ మూవీ కి "గాడ్ ఫాదర్ " టైటిల్ పరిశీలనలో ఉంది. కొరటాల శివ దర్శకత్వంలో మెగా స్టార్ చిరంజీవి హీరోగా భారీ బడ్జెట్ తో రూపొందిన "ఆచార్య "మూవీ విడుదలకు సిద్ధంగా ఉంది.







