సౌత్ సినిమాలు ఇప్పటికే బాలీవుడ్ లో చాలా వరకూ రీమేక్ అవుతున్న సంగతి తెలిసిందే. ఇప్పుడు మరో సినిమా రీమేక్ కు సిద్దమైంది. సుధా కొంగర దర్శకత్వంలో సూర్య హీరోగా వచ్చిన సినిమా సూరరై పోట్రు. తెలుగులో ఈసినిమా ఆకాశం నీ హద్దురా అనే టైటిల్ తో రిలీజ్ అయింది. డెక్కన్ ఎయిర్ వేస్ ఫౌండర్ జిఆర్ గోపినాధ్ జీవిత కథ ఆధారంగా సూరారై పోట్రు తెరకెక్కింది. లాక్ డౌన్ లో ఈసినిమా రిలీజ్ అయింది. థియేటర్స్ లేని నేపథ్యంలో ఈ చిత్రాన్ని ప్రముఖ ఓటీటీ వేదిక అమెజాన్ ప్రైమ్ లో నేరుగా విడుదల చేశారు. మంచి కంటెంట్ ఉన్న సినిమా కావడంతో విమర్శకుల ప్రశంసలు సైతం దక్కించుకుంది.
ఇక ఇప్పుడు ఈసినిమాను హిందీలో రీమేక్ చేయడానికి రెడీ అయ్యారు. ఈనేపథ్యంలోనే ఈరోజు దీనిపై తన ట్విట్టర్ అధికారిక ప్రకటన కూడా చేశాడు సూర్య. సూర్యకు చెందిన 2డీ ఎంటర్ టైన్ మెంట్ తో పాటు అబుందాంతియా ఎంటర్ టైన్ మెంట్స్ అధినేత విక్రమ్ మల్హోత్రా ఈ సినిమాను హిందీలో నిర్మిస్తున్నారు. హిందీలో కూడా ఈసినిమాకు సుధానే దర్శకత్వం వహిస్తున్నారు. మరి హీరో పాత్రలో ఎవరు నటిస్తారు అన్నది తెలియాలి. మరోవైపు తమిళ్, తెలుగులో హిట్ అయిన ఈసినిమా హిందీలో కూడా మంచి ప్రేక్షకాదరణ పొందుతుందనే నమ్మకంతో ఉన్నారు.
S@Suriya_offl
Excited to announce our association with @Abundantia_Ent lead by @vikramix for #SooraraiPottru in Hindi, Directed by #SudhaKongara@CaptGopinath#Jyotika @rajsekarpandian @ShikhaaSharma03 @2D_ENTPVTLTD