లాయర్, ప్రొఫెసర్ గా హీరో రాజశేఖర్

PSV గరుడ వేగ మూవీ సక్సెస్ తో రాజ శేఖర్ సినిమాల జోరు పెంచారు. కల్కి మూవీ లో పోలీస్ ఆఫీసర్ గా ప్రేక్షకులను అలరించారు. ఇప్పుడు ఒక కొత్త అవతారాలతో ప్రేక్షకుల ముందుకు రానున్నారు. పోలీస్ ఆఫీసర్ పాత్రలకు పెట్టింది పేరైన రాజశేఖర్ లాయర్, ప్రొఫెసర్ గా ప్రేక్షకులను అలరించనున్నారు.

ప్రసాద్ ల్యాబ్స్ అధినేత, నిర్మాత రమేష్ ప్రసాద్ నిర్మాణ సారథ్యంలో రాజ శేఖర్ హీరోగా రాజ్ మాదిరాజు దర్శకత్వంలో కొన్ని రోజుల క్రితం తెలంగాణ రాష్ట్రం లో జరిగిన ఇంటర్మీడియెట్ స్టూడెంట్స్ ఆత్మహత్యల నేపథ్యం లో ఈ మూవీ రూపొందనుంది. రాజ్ మాదిరాజు రాసిన బుక్ ప్రేరణ తో రూపొందనున్న ఈ మూవీ వివరాలు త్వరలోనే వెల్లడికానున్నాయి. ఈ మూవీ లో రాజశేఖర్ ద్విపాత్రాభినయం చేయడం విశేషం.