ఏ ఎల్ విజయ్ దర్శకత్వంలో దివంగత తమిళనాడు ముఖ్య మంత్రి జయలలిత బయోపిక్ ‘తలైవి’ రూపొందుతున్న సంగతి తెలిసిందే. జయలలిత రాజకీయాల్లోకి ఎలా ఎంట్రీ ఇచ్చారు.. రాజకీయంలో ఎదుర్కొన్న వివాదాలు అన్నీ ఈ బయోపిక్ లో చూపించనున్నారు. రీసెంట్ గానే ఈ సినిమాను ప్రారంభించారు చిత్రయూనిట్.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
ఇక ఈ సినిమా కోసం ఇప్పటికే కంగనా తమిళ్, అలాగే క్లాసికల్ డాన్స్ కూడా నేర్చుకుంటున్న సంగతి కూడా తెలిసిందే. ఈ నేపథ్యంలో ఓ ఇంటర్వ్యూ లో పాల్గొన్న కంగనా తమిళం భాషపై మాట్లాడుతూ.. తమిళం నేర్చుకోవడం చాలా కష్టం… కష్టమైనప్పటికి ప్రయత్నిస్తూనే ఉన్నాను. డైలాగులు ఈ చిత్రంలో కీలకం కానుండగా, పలు డైలాగులని కంఠస్తం చేస్తున్నాను. ఎప్పటి నుండో తమిళం నేర్చుకోవాలని అనుకున్నాను. ఈ చిత్రం ద్వారా అది నెరవేరింది అని కంగనా తెలిపింది. చూద్దాం మరి కంగనా ఎలా తమిళ్ మాట్లాడిందో..
కాగా ఈ సినిమాలో ఇంకా జగపతి బాబు, జయసుధ, సత్యరాజ్ ముఖ్య పాత్రలలో నటించనున్నట్టు తెలుస్తుంది. అయితే ఏం పాత్రలు పోషిస్తున్నారో తెలియాలంటే కొద్దిరోజులు వెయిట్ చేయాల్సిందే. విబ్రి మీడియా బ్యానర్ పై విష్ణు ఇందూరి నిర్మాణ సారథ్యం లో ఈ సినిమా రూపొందుతుంది. ఇక ఈ చిత్రం తమిళంతో పాటు తెలుగు, హిందీ భాషల్లో కూడా విడుదలకానుంది. ప్రముఖ రచయిత విజయేంద్ర ప్రసాద్ రైటర్ గా పనిచేస్తున్న ఈ మూవీ కి జీవీ ప్రకాష్ సంగీతం అందిస్తున్నారు. సినిమా 2020 మేలో రిలీజ్ చేసే యోచనలో వున్నారు.
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: