వాన్ డైక్ తరహాలో బాలకృష్ణ న్యూ లుక్

సోషల్ మీడియా లో ప్రస్తుతం బాలకృష్ణ హల చల్ చేస్తున్నాడు. ఇంతకీ ఏ విషయం లో అనుకుంటున్నారా? బాలకృష్ణ అంటే బాలకృష్ణ ఫొటోస్ అన్నమాట.. కేఎస్ రవికుమార్ దర్శకత్వంలో బాలకృష్ణ ఓ సినిమాలో నటిస్తున్న సంగతి తెలిసిందే. ఈ సినిమాలో బాలకృష్ణ లుక్ కు సంబంధించి ఫొటోస్ సోషల్ మీడియాలో పోస్ట్ చేయగా ఇప్పుడు ఈ ఫొటోస్ సోషల్ మీడియాలో వైరల్ గా మారాయి. ట్రిమ్డ్ ఫ్రెంచ్ షేవ్ లో ఉన్న బాలయ్య ఫోటోని చూసిన అభిమానులు అవాక్కవ్వడంతో పాటు లైక్ ల మీద లైక్ లు కొడుతున్నారు. అసలు ఇటీవల నటించిన సినిమాల్లో బాలయ్య ఎప్పుడు ఇలాంటి లుక్ లో కనపడలేదు. వాన్ డైక్ తరహా గడ్డంతో బాలకృష్ణ సూటూబూటూ ధరించి కొత్త లుక్ తో ఆకర్షణీయంగా దర్శనమిస్తున్నాడు.

ఇదిలా ఉండగా… ప్రస్తుతం ఈ సినిమా థాయ్‌లాండ్‌లో షూటింగ్ జరుపుకుంటుంది. దీనిలో భాగంగానే అక్కడ ఓ భారీ యాక్షన్ ఎపిసోడ్‌ను పూర్తి చేసిన‌ట్టు తెలుస్తోంది. అంతేకాకుండా… సెప్టెంబర్ 6తో పూర్తి కానున్న ఈ లాంగ్ షెడ్యూల్‌లో… కొన్ని కీలక సన్నివేశాలతో పాటు రెండు పాటలను కూడా తెరకెక్కించనున్నట్టు తెలుస్తుంది.

కాగా ఈ సినిమాలో బాలయ్య సరసన వేదిక, సోనాల్ చౌహన్ నటిస్తుండగా భూమికా చావ్లా, ప్రకాష్ రాజ్, జయసుధ త‌దిత‌రులు ఇతర కీల‌క పాత్ర‌లు పోషిస్తున్నారు. హ్యాపీ మూవీస్ పతాకంపై సి కళ్యాణ్ ఈ చిత్రాన్ని నిర్మిస్తున్నారు. చిరంతన్ భట్ సంగీతం అందిస్తున్న ఈ సినిమాను వచ్చే ఏడాది సంక్రాంతి పండుగ కానుకగా రిలీజ్ చేసే ప్లాన్ లో వున్నారు.