శ‌ర‌వేగంగా ‘ఎంత మంచి వాడవురా’ చిత్రీక‌ర‌ణ‌

నందమూరి కళ్యాణ్ రామ్ క‌థానాయ‌కుడిగా సతీష్ వేగేశ్న ద‌ర్శ‌క‌త్వంలో తెర‌కెక్కుతున్న‌ చిత్రం ‘ఎంత మంచి వాడవురా’. మెహరీన్ కథానాయికగా నటిస్తున్న ఈ సినిమాకి గోపిసుందర్ బాణీలు అందిస్తున్నాడు.

కాగా… జూలై నెలాఖరు నుంచి సెట్స్ పైకి వెళ్ళిన‌ ఈ చిత్రం… ప్రస్తుతం హైదరాబాద్ పరిసర ప్రాంతాల్లో చిత్రీక‌ర‌ణ జ‌రుపుకుంటోంది. ఇందులో భాగంగా కళ్యాణ్ రామ్‌, మెహరీన్ పై కొన్ని కీలక సన్నివేశాలను చిత్రీకరిస్తున్నారని తెలిసింది. గత వారం రోజులుగా జ‌రుగుతున్న‌ ఈ షెడ్యూల్… ఆగస్టు నెలాఖరు వరకు కొన‌సాగుతుంద‌ని స‌మాచారం.

ఉమేష్ గుప్తా సమర్పణలో శివలెంక కృష్ణప్రసాద్, సుభాష్ గుప్తా సంయుక్తంగా నిర్మిస్తున్న ఈ ఇంట్రెస్టింగ్ ప్రాజెక్ట్‌… సంవ‌త్సరాంతంలో ప్రేక్ష‌కుల ముందుకు రానుంది.