బాలీవుడ్ బాట‌లో `ఇస్మార్ట్ శంక‌ర్‌`?

`ఇస్మార్ట్ శంక‌ర్‌`… టాలీవుడ్ లేటెస్ట్ సెన్సేష‌న్‌. బాక్సాఫీస్ వ‌ద్ద వ‌సూళ్ళ వ‌ర్షం కురిపిస్తున్న ఈ సినిమాతో డాషింగ్ డైరెక్ట‌ర్ పూరీ జ‌గ‌న్నాథ్‌, ఎన‌ర్జిటిక్ స్టార్ రామ్‌… మ‌ళ్ళీ స‌క్సెస్ ట్రాక్‌లోకి వ‌చ్చేశారు. అంతేకాదు… ఆల్రెడీ ప్రాఫిట్ జోన్‌లోకి వ‌చ్చేసిన ఈ మాస్ ఎంట‌ర్‌టైన‌ర్‌… రామ్ కెరీర్‌లోనే హ‌య్య‌స్ట్ గ్రాస‌ర్‌గా నిల‌చే అవ‌కాశ‌ముంద‌ని ట్రేడ్ టాక్‌. ఇదిలా ఉంటే… ఈ సినిమాని హిందీలో రీమేక్ చేయ‌డానికి స‌న్నాహాలు జ‌రుగుతున్నాయట‌. ఓ ప్ర‌ముఖ హిందీ నిర్మాత ఇప్ప‌టికే పూరితో ఈ మేర‌కు చ‌ర్చ‌లు జ‌రుపుతున్నారని స‌మాచారం. అలాగే… బాలీవుడ్ స్టార్ ర‌ణ్‌వీర్ సింగ్‌తో ఈ రీమేక్ చేసే దిశ‌గా ప్ర‌య‌త్నాలు సాగుతున్నాయ‌ని తెలిసింది. త్వ‌ర‌లోనే ఈ రీమేక్‌పై స్ప‌ష్ట‌త వ‌చ్చే అవ‌కాశ‌ముంది.

కాగా… పూరి ద‌ర్శ‌క‌త్వంలో రూపొందిన `బ‌ద్రి`, `పోకిరి`, `టెంప‌ర్‌` చిత్రాలు హిందీలో `ష‌ర్త్‌`, `వాంటెడ్‌`, `సింబా` పేర్ల‌తో రీమేక్ కాగా… వీటిలో `వాంటెడ్‌`, `సింబా` బ్లాక్‌బ‌స్ట‌ర్స్‌గా నిలిచాయి. ఈ నేప‌థ్యంలో… `ఇస్మార్ట్ శంక‌ర్` కూడా అదే బాట ప‌డుతుందేమో చూడాలి. అన్న‌ట్లు… `టెంప‌ర్‌` రీమేక్ `సింబా`లో ర‌ణ్‌వీర్ సింగ్‌ క‌థానాయ‌కుడిగా న‌టించాడు.