`ఇస్మార్ట్ శంక‌ర్‌`కి క‌లిసొచ్చిన పూరి సెంటిమెంట్

ఎన‌ర్జిటిక్ స్టార్‌ రామ్, డాషింగ్ డైరెక్టర్ పూరి జగన్నాథ్ ఫ‌స్ట్ కాంబినేషన్‌లో తెరకెక్కిన చిత్రం ‘ఇస్మార్ట్ శంకర్’. ఈ నెల 18న విడుదలైన ఈ మాస్ ఎంటర్‌టైనర్… బాక్సాఫీస్ వద్ద కాసుల వర్షం కురిపిస్తోంది. అంతేకాదు… మొద‌టి మూడు రోజుల్లోనే ఈ సినిమా కొన్ని చోట్ల బ్రేక్ ఈవెన్ అయ్యిందని ట్రేడ్ టాక్‌. ఇదిలా ఉంటే… ఈ సినిమా విజ‌యం సాధించ‌డంతో ద‌ర్శ‌కుడు పూరికున్న ఓ సెంటిమెంట్ బ‌ల‌ప‌డిన‌ట్ల‌య్యింది. ఇంత‌కీ ఆ సెంటిమెంట్ ఏంటంటే… `ఎ` స‌ర్టిఫికేట్‌తో రిలీజైన పూరి డైరెక్టోరియ‌ల్స్‌ ఘ‌న‌విజ‌యం సాధించ‌డం.

కాస్త‌ వివరాల్లోకి వెళితే… గ‌తంలో పూరి దర్శకత్వంలో తెరకెక్కిన ‘పోకిరి’, ‘దేశముదురు’, ‘బిజినెస్‌మేన్’ వంటి చిత్రాలకు సెన్సార్ బోర్డు ‘A’ సర్టిఫికేట్ జారి చేయ‌గా… ఆ మూడు చిత్రాలు కూడా పూరి కెరీర్‌లో బ్లాక్ బస్టర్ మూవీస్‌గా నిలచిపోయాయి. క‌ట్ చేస్తే… ఇప్పుడు అదే బాట‌లో ‘ఇస్మార్ట్ శంకర్’ కూడా ‘A’ సర్టిఫికేట్ పొందడమే కాకుండా బ్లాక్‌బ‌స్ట‌ర్ హిట్ దిశ‌గా ప‌య‌నిస్తోంది. మున్ముందు కూడా పూరికి ఈ సెంటిమెంట్ కంటిన్యూ అవుతుందేమో చూడాలి మ‌రి.