థ్యాంక్స్ జగపతిబాబుగారు అర్థం చేసుకున్నారు

సూపర్ స్టార్ మహేష్ బాబు.. అనిల్ రావిపూడి దర్శకత్వంలో సరిలేరు నీకెవ్వరు సినిమా తెరకెక్కుతున్న సంగతి తెలిసిందే కదా. ప్రస్తుతం కశ్మీర్ లో ఈ సినిమా షూటింగ్ ను జరుపుకుంటుంది. ఇక ఈ సినిమాలో ఓ కీలకపాత్రలో నటించనున్న జగపతిబాబు సినిమా నుండి తప్పుకున్నట్టు వార్తలు వచ్చిన సంగతి కూడా విదితమే. అయితే ప్రకాష్ రాజ్ కోసం మహేష్ బాబు, అనిల్ రావిపూడి రిక్వెస్ట్ తోనే జగ్గూభాయ్ తప్పుకున్నట్టు కూడా కథనాలు వచ్చాయి. ఇక తాాజాగా ఈ విషయంపై దర్శకుడు అనిల్ రావిపూడి కూడా స్పందించి తన ట్విట్టర్ ద్వారా జగపతిబాబుకు థ్యాంక్స్ చెబుతూ ఓ ట్వీట్ చేశాడు.

‘జగపతి బాబుగారు ‘సరిలేరు నీకెవ్వరు’లో నటించడానికి చాలా ఆసక్తి చూపారు. ఈ సినిమాలో ఆయన తన పాత్రను ప్రేమించారు కూడా. అయితే కొన్ని కారణాల వల్ల.. ఆయన ఈ సినిమాలో నటించడం లేదు. కానీ భవిష్యత్తులో ఆయనతో కలిసి పని చేయాలని కోరుకుంటున్నాను. ఈ విషయంలో జగపతి బాబుగారు మమ్మల్ని అర్ధం చేసుకున్నందుకు కృతజ్ఞతలు అని అనిల్ రావిపూడి పోస్ట్ చేశాడు.

Thanks for understanding and we respect you sir @IamJagguBhai #SarileruNeekevvaru 😊 pic.twitter.com/4H67ev3g3m

— Anil Ravipudi (@AnilRavipudi) July 19, 2019

కాగా ఈ సినిమాలో మహేశ్ సరసన రష్మిక మండన్నా హీరోయిన్ గా నటిస్తోంది. అలాగే ఒక్కప్పటి లేడీ సూపర్ స్టార్ విజయశాంతి, రాజేంద్ర ప్రసాద్ కూడా ఈ సినిమాలో కీలక పాత్రలో నటిస్తున్నారు. ఈ చిత్రాన్ని దిల్ రాజు తో కలిసి అనిల్ సుంకర నిర్మిస్తున్నారు.

Here’s the clarification to all regarding #SarileruNeekevvaru issue.https://t.co/0f9DaenaKo pic.twitter.com/rpyAKRVzdu

— Jaggu Bhai (@IamJagguBhai) July 19, 2019