శర్వా కొత్త సినిమాలో కన్నడ భామ

శర్వానంద్ నటించిన రణరంగం సినిమా రిలీజ్ కు దగ్గరలో ఉన్న సంగతి తెలిసిందే. ఆగష్ట్ 15వ తేదీన ఈ సినిమాను రిలీజ్ చేయనున్నారు. దీనితో పాటు సి. ప్రేమ్ కుమార్ దర్శకత్వంలో 96 సినిమా రీమేక్ కూడా చేస్తున్న సంగతి తెలిసిందే. శర్వానంద్, సమంత ప్రధాన పాత్రలో తెరకెక్కుతున్న ఈ సినిమా షూటింగ్ జరుపుకుంటుండగా.. శర్వానంద్ భుజానికి గాయమై విశ్రాంతి తీసుకుంటున్నాడు. దీంతో 96 షూటింగ్ కు బ్రేక్ పడింది. ఇదిలా ఉండగా ఈ సినిమాలతో పాటు శర్వానంద్ ఇటీవలే మరో కొత్త సినిమాను ప్రారంభించిన సంగతి తెలిసిందే.

14 రీల్స్ బ్యానర్ పై తెరకెక్కుతున్న ఈసినిమాను రెగ్యులర్ షూట్ ను త్వరలోనే ప్రారంభించనున్నారు. అయితే తాజాా సమాచారం ప్రకారం ఈ సినిమా కన్నడ భామను హీరోయిన్ గా ఎంపిక చేసుకున్నట్టు తెలుస్తోంది. అషిక రంగనాథ్ అనే కన్నడ హీరోయిన్ ఈ సినిమాలో హీరోయిన్ గా నటిస్తుందట. కన్నడలో ఇప్పటివరకూ అషిక రెండు సినిమాలు చేసింది. ఇంకా ఈసినిమాకు మిక్కీ జే మేయర్ సంగీతం అందిస్తున్నాడు.