వైవిధ్యభరితమైన కథలను ఎంచుకుంటూ వరుస విజయాలతో ముందుకు సాగుతున్న యువ కథానాయకుడు విజయ్ దేవరకొండ. ప్రస్తుతం… ఈ టాలెంటెడ్ హీరో క్రాంతి మాధవ్ దర్శకత్వంలో ఓ రొమాంటిక్ ఎంటర్టైనర్ను చేస్తున్న సంగతి తెలిసిందే. రాశి ఖన్నా, ఐశ్వర్యా రాజేష్, ఇజాబెల్లి లీట్ కథానాయికలుగా నటిస్తున్న ఈ చిత్రాన్ని క్రియేటివ్ కమర్షియల్స్ పతాకంపై కె.ఎస్.రామారావు నిర్మిస్తున్నారు. ఇదిలా ఉంటే… ఈ సినిమాలో ప్లే బాయ్గా కనిపించనున్నాడట మన రౌడీ హీరో. అయితే… ఇంతవరకు తెలుగుతెరపై వచ్చిన ప్లే బాయ్ రోల్స్ కు భిన్నంగా ఈ క్యారెక్టర్ ఎంతో మెచ్యూర్డ్గా ఉంటుందని సమాచారం.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు:
లేటెస్ట్ తెలుగు మూవీస్
వినిపిస్తున్న కథనాల ప్రకారం… ఫ్రాన్స్లో సెటిల్ అయిన విజయ్, ఇజాబెల్లి దంపతుల సన్నివేశాలతో ఈ రొమాంటిక్ ఎంటర్టైనర్ ప్రారంభమై… ఆ తర్వాత ఫ్లాష్ బ్యాక్ మోడ్లోకి వెళ్ళడం జరుగుతుందట. ఆ ఫ్లాష్ బ్యాక్లో భాగంగా… కథానాయకుడి జీవితంలో ముఖ్య భూమిక పోషించిన ఇద్దరు అమ్మాయిలు… నిజమైన ప్రేమ కోసం కథానాయకుడి అన్వేషణ… వంటి అంశాలు మిళితమై ఉంటాయట. అంతేకాదు… ఈ కథలో క్రాంతి మాధవ్ తనదైన శైలిలో కొన్ని హార్ట్ టచింగ్ సీన్స్ను కూడా రాసుకున్నారని తెలుస్తోంది. మరి ఈ కథనాలలో నిజమెంతో తెలియాలంటే ఇంకొంత కాలం ఆగాల్సిందే. ప్రస్తుతం చిత్రీకరణ దశలో ఉన్న ఈ రొమాంటిక్ ఎంటర్టైనర్… ఈ ఏడాది చివర్లో తెరపైకి వచ్చే అవకాశం ఉంది.
కాగా… విజయ్ దేవరకొండ హీరోగా నటించిన తాజా చిత్రం ‘డియర్ కామ్రేడ్’ ఈ నెల 26న ప్రేక్షకుల ముందుకు రానున్న విషయం విదితమే.
[youtube_video videoid=U6PqYcA5vFI]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు: