‘ఆర్ ఆర్ ఆర్’… రామ్ చ‌ర‌ణ్‌కి తండ్రిగా అజ‌య్?

దర్శకధీరుడు ఎస్.ఎస్.రాజమౌళి దర్శకత్వంలో యంగ్ టైగర్ య‌న్టీఆర్, మెగాపవర్ స్టార్ రామ్ చరణ్ హీరోలుగా భారీ మల్టీస్టారర్ మూవీ ‘ఆర్ ఆర్ ఆర్’ తెరకెక్కుతున్న సంగతి తెలిసిందే. పేట్రియాటిక్ డ్రామాగా రూపొందుతున్న ఈ క్రేజీ ప్రాజెక్ట్‌లో కొమరం భీమ్‌గా తారక్… అల్లూరి సీతారామరాజుగా చరణ్ దర్శనమివ్వనున్నారు. చరణ్‌కు జంటగా బాలీవుడ్ బ్యూటీ అలియా భ‌ట్ నటిస్తున్న ఈ చిత్రంలో… బాలీవుడ్ నటుడు అజ‌య్ దేవ‌గ‌ణ్, తమిళ దర్శకనటుడు సముద్రఖని కీలక పాత్రలు పోషిస్తున్నారు. ఇదిలా ఉంటే… ఈ సినిమాలో అజ‌య్ పాత్ర‌కు సంబంధించి ఓ ఇంట్రెస్టింగ్ అప్‌డేట్ టాలీవుడ్ సర్కిల్స్‌లో చక్కర్లు కొడుతోంది.

అదేమిటంటే… ఈ మెగా ప్రాజెక్ట్‌లో చరణ్‌కు తండ్రి పాత్ర‌లో అజయ్ దేవగణ్‌ కనిపించనున్నాడట. ఈ పాత్ర చాలా వైవిధ్యంగా ఉంటుంద‌ని స‌మాచారం. కాగా, నెక్ట్స్ షెడ్యూల్ నుంచి అజ‌య్ షూట్‌లో జాయిన్ కానున్నాడ‌ని అంటున్నారు.

స్వ‌ర‌వాణి కీరవాణి బాణీలు అందిస్తున్న ఈ చిత్రాన్ని దాదాపు రూ.350 కోట్ల బడ్జెట్‌తో డి.వి.వి.దానయ్య నిర్మిస్తున్నారు. 2020 జూలై 30న ఈ క్రేజీ ప్రాజెక్ట్… ప్రపంచవ్యాప్తంగా ప్రేక్షకుల ముందుకు రానుంది.