రిలీజయిన వాల్మీకి ప్రీ టీజర్

తమిళ హిట్ మూవీ జిగర్తాండ కు తెలుగు రీమేక్ మూవీ వాల్మీకి రూపొందుతున్న విషయం తెలిసిందే. 14 రీల్స్ ప్లస్ బ్యానర్ పై హరీష్ శంకర్ దర్శకత్వంలో మెగా ప్రిన్స్ వరుణ్ తేజ్ హీరోగా వాల్మీకి మూవీ రూపొందుతోంది. హీరో వరుణ్ తేజ్ గ్యాంగ్ స్టర్ గా నటిస్తున్న యాక్షన్ కామెడీ థ్రిల్లర్ వాల్మీకి మూవీ లో పూజ హెగ్డే కథానాయిక. తమిళ హీరో అథర్వ ఒక కీలక పాత్రలో నటిస్తున్నారు. మిక్కీ J మేయర్ సంగీతం అందిస్తున్నారు.

రామ్ ఆచంట, గోపీ ఆచంట నిర్మాణసారథ్యం లో రూపొందుతున్న వాల్మీకి మూవీ ప్రీ టీజర్ 24 వ తేదీ రిలీజయింది. ప్రీ టీజర్ లో వరుణ్ తేజ్ మాస్ లుక్ ప్రేక్షకులను ఆకట్టుకుంది. మీరెప్పుడూ చూడని లుక్ లో నేను, మీకు నచ్చుతుందని అనుకుంటా అంటూ వరుణ్ తేజ్ ట్వీట్ చేశారు. వాల్మీకి మూవీ కి సంబంధించిన తమిళ నటుడు అథర్వ లుక్ ను వరుణ్ తేజ్ షేర్ చేశారు.