`జెర్సీ`… నేచుర‌ల్ స్టార్ నాని కెరీర్‌లో ఓ మెమ‌ర‌బుల్ ఫిల్మ్‌. ఈ ఏడాది వేసవికి విడుదలైన ఈ ఎమోష‌నల్ స్పోర్ట్స్ డ్రామా… బాక్సాఫీస్ వద్ద కాసుల వర్షం కురిపించింది. తండ్రీకొడుకుల అనుబంధం నేపథ్యంలో గౌతమ్ తిన్ననూరి తెరకెక్కించిన ఈ చిత్రం… స‌గ‌టు ప్రేక్షకుల నుంచి సినీ ప్రముఖుల వరకు అంద‌రి ప్రశంసలను అందుకుంది. ఇదిలా ఉంటే… ఇప్పుడు ఈ సినిమాని హిందీలో రీమేక్ చేసేందుకు బాలీవుడ్‌కు చెందిన ఓ ప్ర‌ముఖ ద‌ర్శ‌క‌నిర్మాత ప్రయత్నిస్తున్నట్టు సమాచారం. ఆ ద‌ర్శ‌క‌నిర్మాత మ‌రెవ‌రో కాదు… కరణ్ జోహార్‌.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఓ ఆంగ్ల పత్రిక క‌థ‌నాల ప్ర‌కారం… రెండు రోజుల క్రితం ఈ సినిమా రీమేక్ రైట్స్‌కు సంబంధించి ‘జెర్సీ’ నిర్మాతలతో ఒప్పందం కుదుర్చుకున్నాడ‌ట కరణ్. అంతేకాదు… మాతృకకు దర్శకత్వం వహించిన గౌతమ్ తిన్ననూరి… ఈ హిందీ రీమేక్‌కు కూడా దర్శకత్వం వహించనున్నాడ‌నీ… ఈ మేర‌కు గౌత‌మ్‌తో కరణ్ జోహార్‌ సంప్రదింపులు కూడా జరుపుతున్నాడని బాలీవుడ్ టాక్. దర్శకుడు ఫైన‌లైజ్‌ అయిన వెంటనే చిత్రాన్ని సెట్స్ పైకి తీసుకువెళ్ళే అవకాశాలున్నట్టు తెలుస్తోంది. అలాగే… తాజాగా ‘కబీర్ సింగ్’ (తెలుగులో ‘అర్జున్ రెడ్డి’)తో మ‌రో ఘన విజయాన్ని త‌న సొంతం చేసుకున్న యువ క‌థానాయ‌కుడు షాహిద్ కపూర్… ‘జెర్సీ’ రీమేక్‌లో హీరోగా న‌టించే అవకాశాలున్నాయని టాక్. త్వ‌ర‌లోనే `జెర్సీ` హిందీ రీమేక్‌పై మ‌రింత క్లారిటీ వ‌చ్చే అవ‌కాశ‌ముంది.
[youtube_video videoid=nJyz1l4iHn4]
nJyz1l4iHn4
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
