‘వి’ స్టోరీ లైన్ అదేనా?

ఈ వేస‌వికి విడుద‌లైన‌ ‘జెర్సీ’తో మంచి విజయాన్ని అందుకున్న నేచురల్ స్టార్ నాని… ప్ర‌స్తుతం రెండు సినిమాలతో ఫుల్ బిజీగా ఉన్నాడు. ఒక‌ వైపు టాలెంటెడ్‌ డైరెక్టర్ విక్రమ్ కుమార్ రూపొందిస్తున్న‌ ‘గ్యాంగ్‌లీడర్’లో నటిస్తూనే… మ‌రోవైపు సెన్సిబుల్ డైరెక్ట‌ర్‌ ఇంద్రగంటి మోహనకృష్ణ దర్శకత్వంలో తెరకెక్కుతున్న ‘వి’ చిత్రంలో కూడా న‌టిస్తున్నాడు నాని. కాగా… ప్ర‌స్తుతం రెండో షెడ్యూల్ జరుపుకుంటున్న ‘వి’ చిత్రానికి సంబంధించి… ఓ ఆస‌క్తిక‌ర‌మైన అంశం టాలీవుడ్ స‌ర్కిల్స్‌లో చ‌క్క‌ర్లు కొడుతోంది.

అదేమిటంటే… క్రైమ్ థిల్ల‌ర్‌గా తెర‌కెక్కుతున్న ఈ సినిమాలో నాని వరుస హత్యలను చేసి క్లూస్ కూడా వదిలేస్తుంటాడ‌ట‌. ఈ నేప‌థ్యంలో ఆ కేసును డీల్ చేయ‌డానికి వ‌చ్చిన స్పెష‌ల్ ఆఫీస‌ర్ సుధీర్ బాబు… ఆ మిస్ట‌రీని ఎలా ఛేదించాడు? అనే కథాంశంతో `వి` సినిమా తెరకెక్కుతోందని టాలీవుడ్ టాక్. ఈ వార్తల్లో నిజమెంతో తెలియాలంటే కొద్ది రోజులు ఆగాల్సిందే.

‘దిల్’ రాజు నిర్మాణంలో రూపొందుతున్న ఈ చిత్రంలో అదితిరావ్‌ హైదరి, నివేదా థామస్ కథానాయికలుగా న‌టిస్తున్నారు. ఈ సంవ‌త్స‌రాంతంలో `వి` ప్రేక్షకుల ముందుకు రానుంది.