ఒకే రోజున రానున్న‌ న‌య‌న్‌, తాప్సీ

నయనతార… హీరోయిన్ ఓరియెంటెడ్ సబ్జెక్ట్స్‌కి కేరాఫ్ అడ్ర‌స్‌గా నిలుస్తున్న ఈ జ‌న‌రేష‌న్ స్టార్ హీరోయిన్‌. వైవిధ్యభరితమైన పాత్రల్లో నటిస్తూ తనకంటూ ప్రత్యేక స్థానాన్ని ఏర్పరచుకున్న న‌య‌న్‌… ఇప్పటికే ‘మాయ’, ‘డోరా’, ‘అరమ్’, ‘కొలమావు కోకిల’, ‘ఐరా’ వంటి ఫీమేల్ సెంట్రిక్ సినిమాల్లో నటించి త‌మిళ‌నాట‌ త‌న స‌త్తా చాటింది. ఈ చిత్రాల‌న్నీ కూడా తెలుగులోనూ డ‌బ్బింగ్ అయ్యాయి. కాగా… త్వరలో మరో హీరోయిన్ ఓరియెంటెడ్ ఫిలిమ్‌తో ప్రేక్షకుల ముందుకు రానుంది న‌య‌న్‌. ఆ చిత్రమే ‘కొలైయుదిర్ కాలమ్’. ‘ఈనాడు’ ఫేమ్‌ చక్రి తోలేటి దర్శకత్వంలో తెరకెక్కిన ఈ హారర్ మూవీ… తమిళ, తెలుగు భాషల్లో జూన్ 14న విడుదల కానుంది.

ఆస‌క్తిక‌ర‌మైన విష‌య‌మేమిటంటే… అదే జూన్ 14న‌ మరో టాలెంటెడ్ బ్యూటీ తాప్సీ నటించిన హార‌ర్ థ్రిల్ల‌ర్ ‘గేమ్ ఓవర్’ కూడా రిలీజ్ కానుంది. అశ్విన్ శ‌రవణ‌న్ దర్శకత్వం వహించిన ఈ చిత్రం తమిళ, తెలుగు భాషలతో పాటు హిందీలోనూ విడుదల కానుంది. ఒకే రోజున వ‌స్తున్న ఈ చిత్రాలు… బాక్సాఫీస్ వ‌ద్ద మంచి ఫ‌లితాన్ని అందుకోవాల‌ని ఆశిద్దాం.

[subscribe]

[youtube_video videoid=BMOn7RkkI58]