యూత్ ఐకాన్ విజయ్ దేవరకొండ క‌థానాయ‌కుడిగా న‌టిస్తున్న తాజా చిత్రం ‘హీరో’. స్పోర్ట్స్ డ్రామాగా రూపొందుతున్న ఈ సినిమాలో విజయ్ ప్రొఫెష‌న‌ల్ బైక్ రేసర్‌గా దర్శనమివ్వనున్నాడు. మైత్రీ మూవీ మేకర్స్ నిర్మిస్తున్న ఈ చిత్రం… ఇటీవ‌లే లాంఛ‌నంగా ప్రారంభ‌మైంది. రేప‌టి నుండి (మే 22) ఢిల్లీలో రెగ్యుల‌ర్ షూటింగ్ జ‌రుపుకోనుందీ సినిమా. తెలుగుతో పాటు త‌మిళ, మ‌ల‌యాళ, క‌న్న‌డ భాష‌ల్లో ఏక‌కాలంలో తెర‌కెక్కుతున్న ఈ క్రేజీ ప్రాజెక్ట్‌ ద్వారా ఆనంద్ అన్నామ‌లై ద‌ర్శ‌కుడిగా ప‌రిచ‌య‌మ‌వుతున్నాడు. పేట‌లో కీల‌క పాత్ర పోషించిన మాళ‌వికా మోహనన్ ఈ చిత్రంతో తెలుగు తెర‌కు నాయిక‌గా ప‌రిచ‌య‌మ‌వుతోంది.
మీకు నచ్చిన మరియు మీరు మెచ్చిన లేటెస్ట్ తెలుగు మూవీస్ ని ఇక్కడ వీక్షించగలరు: 
లేటెస్ట్ తెలుగు మూవీస్
ఈ మాళ‌విక మ‌రెవ‌రో కాదు… రీసెంట్ బ్లాక్‌బ‌స్ట‌ర్ ‘మహర్షి’ సినిమాకి కెమెరామేన్‌గా పని చేసిన కె.యు.మోహనన్ కుమార్తె. కాగా… హీరో సినిమాలో మాళ‌విక మ్యూజిషియ‌న్‌గా న‌టిస్తోందట. ఈ విష‌యాన్ని ఓ ఆంగ్ల దిన‌ప‌త్రిక‌కు ఇచ్చిన ఇంట‌ర్వ్యూలో స్వ‌యంగా చెప్పుకొచ్చిందీ అమ్మ‌డు. అంతేకాదు… న‌ట‌న‌కు అవ‌కాశ‌మున్న పాత్ర ఇద‌ని… విజ‌య్‌తో క‌ల‌సి న‌టించ‌డం సూప‌ర్ ఎగ్టైటెడ్‌గా ఉంద‌ని తెలిపింది మాళ‌విక. అలాగే.. ఈ సినిమాలో తన పాత్రకు తానే డబ్బింగ్ చెప్పుకోనున్న‌ట్లు… తెలుగు భాష మీద ప‌ట్టు కోసం ప్ర‌త్యేకంగా శిక్ష‌ణ కూడా తీసుకుంటున్న‌ట్లు చెప్పింది. అదేవిధంగా… జూన్ నుంచి తన పాత్రకు సంబంధించిన షూటింగ్ మొద‌ల‌వుతుంద‌ని తెలిపింది మాళ‌విక. మ‌రి… హీరోతో మాళ‌విక ఏ స్థాయిలో అల‌రిస్తుందో తెలియాలంటే ఇంకొన్నాళ్ళు ఆగాల్సిందే.
[subscribe]
[youtube_video videoid=GE7h77dDGjM]
మీకు ఇష్టమైన మూవీస్ ని ఆన్ లైన్ లో చూసి ఆనందించగలరు:
